Presentado un curso de posgrao sobre organizacións non lucrativas
A concelleira de Participación Cidadá, Mariló Cabaleiro, o vicerrector de Desenvolvemento da Transferencia de Tecnoloxía da Universidade de Vigo, Pedro Merino, e o director da Obra social de Caixa Galicia, Manuel Aguilar, presentaron o convenio de colaboración para a realización do “Curso de posgrao en administración e dirección de organizacións non lucrativas”.
Con este convenio preténdese ofertarlles ás asociacións de Vigo e do sur de Galicia unha oportunidade de capacitación dos seus cadros directivos e técnicos nos diversos ámbitos da xestión destas entidades. Trátase dunha necesidade detectada por parte de tódolos axentes relacionados no sector non lucrativo e xustificada pola presencia crecente das asociacións na asunción de programas de actividades dirixidos á comunidade, así como pola realización de proxectos sociais en colaboración con administracións públicas como o Concello de Vigo e entidades financeiras como Caixa Galicia.
Unha característica diferencial do curso reside na adaptación á realidade do mundo asociativo. A existencia de persoal voluntario ou dun plan contable adaptados son algunhas mostras da especificidade citada. Tamén resultará atractiva a presentación de técnicas directivas habituais no mundo empresarial e cada vez máis empregadas nas organizacións non lucrativas. A planificación estratéxica ou a xestión presupostaria serían exemplos destes contidos.
As datas de impartición do curso serán os xoves e venres, en horario de 16 a 21 horas, a partir do vindeiro 22 de novembro. A preinscrición estará aberta ata o vindeiro 16 de novembro, podendo obterse máis información no teléfono da Secretaría do Decanato da Facultade de Económicas e Empresariais (986 812 402) ou solicitándoa mediante correo electrónico.
O curso ten unha duración de 30 créditos (300 horas) e organízase en tres partes. Na primeira, de 5 créditos, farase unha introducción ó denominado terceiro sector e presentarase o entorno normativo e social no que este se desenvolve. Na segunda, de 18 créditos, trataranse os temas centrais de administración e dirección (organización, recursos humanos, xestión económica, etc). A terceira pretende ser máis práctica e xirará ó redor dun panel de experiencias (2 créditos) no que distintos especialistas presentarán casos prácticos relacionados coas materias previamente analizadas. Tamén nesta parte se inclúe a realización dun proxecto por parte dos alumnos e alumnas participantes (5 créditos), no que desenvolverán con profundidade un exercicio práctico relacionado cunha das materias que máis lles interese.
Descargar todas as imaxes
Con este convenio preténdese ofertarlles ás asociacións de Vigo e do sur de Galicia unha oportunidade de capacitación dos seus cadros directivos e técnicos nos diversos ámbitos da xestión destas entidades. Trátase dunha necesidade detectada por parte de tódolos axentes relacionados no sector non lucrativo e xustificada pola presencia crecente das asociacións na asunción de programas de actividades dirixidos á comunidade, así como pola realización de proxectos sociais en colaboración con administracións públicas como o Concello de Vigo e entidades financeiras como Caixa Galicia.
Unha característica diferencial do curso reside na adaptación á realidade do mundo asociativo. A existencia de persoal voluntario ou dun plan contable adaptados son algunhas mostras da especificidade citada. Tamén resultará atractiva a presentación de técnicas directivas habituais no mundo empresarial e cada vez máis empregadas nas organizacións non lucrativas. A planificación estratéxica ou a xestión presupostaria serían exemplos destes contidos.
As datas de impartición do curso serán os xoves e venres, en horario de 16 a 21 horas, a partir do vindeiro 22 de novembro. A preinscrición estará aberta ata o vindeiro 16 de novembro, podendo obterse máis información no teléfono da Secretaría do Decanato da Facultade de Económicas e Empresariais (986 812 402) ou solicitándoa mediante correo electrónico.
O curso ten unha duración de 30 créditos (300 horas) e organízase en tres partes. Na primeira, de 5 créditos, farase unha introducción ó denominado terceiro sector e presentarase o entorno normativo e social no que este se desenvolve. Na segunda, de 18 créditos, trataranse os temas centrais de administración e dirección (organización, recursos humanos, xestión económica, etc). A terceira pretende ser máis práctica e xirará ó redor dun panel de experiencias (2 créditos) no que distintos especialistas presentarán casos prácticos relacionados coas materias previamente analizadas. Tamén nesta parte se inclúe a realización dun proxecto por parte dos alumnos e alumnas participantes (5 créditos), no que desenvolverán con profundidade un exercicio práctico relacionado cunha das materias que máis lles interese.