Caballero ofrece aos traballadores municipais o "máximo diálogo"
O novo alcalde, Abel Caballero, mantivo na mañá deste luns unha reunión cos traballadores municipais no Auditorio do Concello. No encontro, Caballero ofreceulles o "máximo diálogo e fluidez na relación".
"O meu despacho está aberto a todos os cidadáns e polo tanto a todos os traballadores do Concello", asegurou o novo alcalde. Caballero, quen previamente se reuniu co Comité de Empresa para manifestarlle o seu desexo de colaboración, pediu aos traballadores municipais "un voto de confianza e de entusiasmo" de cara ao mandato que agora comeza.
Entre os obxectivos para este novo período, Caballero mencionou a obtención dunha carta municipal que dote o Concello de Vigo de novas capacidades e competencias.
Reparto de concellerías do BNG
Pola súa parte, o tenente de alcalde, Santiago Domínguez (BNG), anunciou tamén na mañá deste luns o reparto de concellerías entre os representantes do grupo municipal nacionalista.
Así, Xesús López dirixirá Cultura, Festas e Animación Sociocultural e Patrimonio Histórico. Francisco Xabier Alonso será o novo concelleiro de Deportes. Para Iolanda Veloso serán Normalización Lingüística, Mocidade e Igualdade. As concellerías de Industria, Comercio e Turismo e Cascos Históricos serán dirixidas polo propio Santiago Domínguez. María Méndez será a concelleira de Benestar Social, ademais de portavoz do grupo municipal. Francisco Xabier Alonso será o viceportavoz.
Así mesmo, Santiago Domínguez anunciou a creación de dúas comisións de asesoramento do tenente de alcalde, unha formada por axentes económicos e a outra por axentes sociais de Vigo.
Entre os obxectivos para este novo período, Caballero mencionou a obtención dunha carta municipal que dote o Concello de Vigo de novas capacidades e competencias.
Reparto de concellerías do BNG
Pola súa parte, o tenente de alcalde, Santiago Domínguez (BNG), anunciou tamén na mañá deste luns o reparto de concellerías entre os representantes do grupo municipal nacionalista.
Así, Xesús López dirixirá Cultura, Festas e Animación Sociocultural e Patrimonio Histórico. Francisco Xabier Alonso será o novo concelleiro de Deportes. Para Iolanda Veloso serán Normalización Lingüística, Mocidade e Igualdade. As concellerías de Industria, Comercio e Turismo e Cascos Históricos serán dirixidas polo propio Santiago Domínguez. María Méndez será a concelleira de Benestar Social, ademais de portavoz do grupo municipal. Francisco Xabier Alonso será o viceportavoz.
Así mesmo, Santiago Domínguez anunciou a creación de dúas comisións de asesoramento do tenente de alcalde, unha formada por axentes económicos e a outra por axentes sociais de Vigo.
