O Goberno local presenta un plan para humanizar o contorno de Coia
O Goberno local presentou hoxe venres o seu Plan de Humanización do Contorno de Coia, con actuacións "en execución ou en plena licitación" cun importe de 18,5 millóns de euros.
Entre as actuacións incluídas neste plan están están a mellora de beirarrúas da avenida de Castelao, a colocación de 76 luminarias novas no parque da Bouza, a mellora da accesibilidade na rúa A Garda mediante a construción dunha rampa, a execución dun aparcadoiro en superficie duns 1.300 m2 na rúa Cangas, a mellora de beirarrúas en 13 rúas e do asfaltado en 16 (en catro destas rúas finalizaron xa os traballos). Todas estas obras supoñen un investimento de algo máis de un millón de euros.
O plan de humanización completarase coa execución de novos equipamentos para Coia, como son unha pista polideportiva ao aire libre na rúa Luis Casado (obra valorada en 2,6 millóns e de próxima adxudicación), un centro de día, unha escola infantil en A Quintela, unha Unidade Básica de Acción Social para persoas necesitadas e un centro cívico con biblioteca, auditorio, zona de Internet e ludoteca.
Ademais, o Concello proxecta como grande obra para o barrio un aparcadoiro de 400 prazas, das que a metade estarán reservadas para os veciños. A execución deste aparcadoiro está pendente de adxudicación.
A alcaldesa, Corina Porro, dixo na presentación deste plan que se trata de saldar unha débeda da cidade con Coia, un barrio no que, segundo recordou, existen "zonas moi transitadas e que carecían de beirarrúa". Corina Porro afirmou que o Plan de Humanización do Contorno de Coia presentado hoxe venres "é unha realidade", xa que "temos todas e cada unha das partidas e todas e cada unha das actuacións estudadas". O único que pode quedar no tinteiro, segundo lembrou Porro, é a humanización da rúa Vilagarcía, ao non aprobarse os orzamentos municipais de 2007. Así e todo, isto "non quere dicir que non o farei no futuro", asegurou a alcaldesa.
Descargar todas as imaxes
O plan de humanización completarase coa execución de novos equipamentos para Coia, como son unha pista polideportiva ao aire libre na rúa Luis Casado (obra valorada en 2,6 millóns e de próxima adxudicación), un centro de día, unha escola infantil en A Quintela, unha Unidade Básica de Acción Social para persoas necesitadas e un centro cívico con biblioteca, auditorio, zona de Internet e ludoteca.
Ademais, o Concello proxecta como grande obra para o barrio un aparcadoiro de 400 prazas, das que a metade estarán reservadas para os veciños. A execución deste aparcadoiro está pendente de adxudicación.
A alcaldesa, Corina Porro, dixo na presentación deste plan que se trata de saldar unha débeda da cidade con Coia, un barrio no que, segundo recordou, existen "zonas moi transitadas e que carecían de beirarrúa". Corina Porro afirmou que o Plan de Humanización do Contorno de Coia presentado hoxe venres "é unha realidade", xa que "temos todas e cada unha das partidas e todas e cada unha das actuacións estudadas". O único que pode quedar no tinteiro, segundo lembrou Porro, é a humanización da rúa Vilagarcía, ao non aprobarse os orzamentos municipais de 2007. Así e todo, isto "non quere dicir que non o farei no futuro", asegurou a alcaldesa.