A Xunta de Goberno aproba os tres últimos proxectos do Plan Parroquias
Os proxectos de recuperación da praia do Vao e de mellora do paseo do Lagares e do contorno da igrexa de San Andrés de Comesaña, pertencentes ao Plan Parroquias, recibiron hoxe luns o visto bo do Goberno local. O seu portavoz, José Manuel Figueroa, afirmou que as obras "poderán adxudicarse antes de fin de ano".
![1165240957xunta041206.jpg 1165240957xunta041206.jpg](https://xornal.vigo.org/storage/xornal-historico/medi/xornal/noticias/imx/opt/1165240957xunta041206.jpg)
Figueroa engadiu que deste xeito os máis de 80 proxectos incluídos no Plan están xa "adxudicados, en fase de adxudicación ou de licitación ou en obras". As cantidades asignadas a cada un dos proxectos aprobados hoxe luns son de 100.000 euros para a recuperación do Vao; 280.000, para a mellora do paseo do Lagares, e de 115.000, para a do contorno da igrexa de San Andrés de Comesaña. Estes proxectos publicaranse mañá martes no Boletín Oficial da Provincia.
Edificio Cambón
Por outra parte, a Xunta de Goberno adxudicou as obras de demolición parcial e cambio de cuberta do edificio Cambón a Oreco SA, por un importe de 352.800 euros. Os traballos contan cun prazo de execución de 90 días e un incremento do prazo de garantía de tres anos.
O edificio Cambón é o elixido pola Consellaría de Medio Ambiente para albergar a sede do Parque Nacional das Illas Atlánticas, segundo confirmou a administración autonómica nunha carta que chegou ao Concello o pasado xoves. Segundo asegurou José Manuel Figueroa, o Goberno municipal valora de maneira positiva esta cisrcunstancia, xa que significa que "as relacións coa Consellaría de Medio Ambiente van por bo camiño".
Así mesmo, o Goberno local decidiu hoxe luns allear para chatarra 49 vehículos que actualmente están no depósito municipal, solicitando oferta a diversas empresas especializadas por un prezo mínimo de 3.650 euros. Os gastos de recollida e traslado dos vehículos serán por conta do adxudicatario.
Por último, quedaron aprobadas as bases do concurso de carteis do Entroido, que alcanzará en 2007 a súa XXI edición. Os premios estipulados para este concurso supoñen un importe total de 3.400 euros. Concederase un premio único de 2.500 euros e tres accésits de 300 euros cada un.
Descargar todas as imaxes
Edificio Cambón
Por outra parte, a Xunta de Goberno adxudicou as obras de demolición parcial e cambio de cuberta do edificio Cambón a Oreco SA, por un importe de 352.800 euros. Os traballos contan cun prazo de execución de 90 días e un incremento do prazo de garantía de tres anos.
O edificio Cambón é o elixido pola Consellaría de Medio Ambiente para albergar a sede do Parque Nacional das Illas Atlánticas, segundo confirmou a administración autonómica nunha carta que chegou ao Concello o pasado xoves. Segundo asegurou José Manuel Figueroa, o Goberno municipal valora de maneira positiva esta cisrcunstancia, xa que significa que "as relacións coa Consellaría de Medio Ambiente van por bo camiño".
Así mesmo, o Goberno local decidiu hoxe luns allear para chatarra 49 vehículos que actualmente están no depósito municipal, solicitando oferta a diversas empresas especializadas por un prezo mínimo de 3.650 euros. Os gastos de recollida e traslado dos vehículos serán por conta do adxudicatario.
Por último, quedaron aprobadas as bases do concurso de carteis do Entroido, que alcanzará en 2007 a súa XXI edición. Os premios estipulados para este concurso supoñen un importe total de 3.400 euros. Concederase un premio único de 2.500 euros e tres accésits de 300 euros cada un.