A vindeira semana peonalizaranse zonas do Casco Vello
O Concello peonalizará zonas do Casco Vello, a partir do 18 de febreiro, para favorecer a conservación do contorno histórico e os usos comercial e turístico de cara a fomentar a seguridade vial, a convivencia e a calidade de vida nos espacios públicos que poidan resultar máis atractivos para os cidadáns e visitantes.
As zonas peonais do Casco Vello serán as comprendidas no interior do perímetro delimitado polas rúas Cánovas del Castillo, Carral, Porta do Sol, Elduayen, Poboadores, San Francisco e Avda de Beiramar.
O Concello expediu arredor de 150 tarxetas que lles permitirán a entrada ós residentes e proximamente se instalarán cámaras de control conectadas coa Policía Local e un sistema de comunicación para controlar os bolardos retráctiles e regular o acceso de vehículos ó Casco Vello.
Queda prohibido o tráfico de tódolos vehículos a motor polas seguintes rúas e espacios públicos: Peñasco, San Xulián, Cesteiros, Caracol, Misericordia, Baixada á Fonte, Cárcere Vello, Esperanza, Entrada Pescadores, Xoanela, Ballesta, Ribeira do Berbés, Praza Pescadores, Praza da Princesa e Praza do Berbés, xa que polas súas características queda excluída a posibilidade de circular por elas con axeitadas condicións de seguridade.
Nas restantes rúas situadas no interior do perímetro delimitado do Casco Vello só poderán circular e estacionar os residentes que dispoñan da correspondente tarxeta identificativa expedida polo Concello.
Permítese a libre circulación de vehículos de extinción de incendios, recollida de lixo, policía e servicios de urxencia, así como dos transportes especiais nas condicións que dispoña a Policía Local.
Con carácter xeral, nas vías do ámbito sinalado nas que non está prohibida a circulación permítese un sentido único de circulación de vehículos coas condicións e limitacións establecidas e conforme á sinalización que se dispoña. Nas rúas sen saída poderase circular nos dous sentidos no treito comprendido dende a intersección máis próxima ata o fondo de saco.
As tarefas de carga e descarga de mercadorías pódense realizar entre as 8:00 horas e as 11:00 horas da mañá nos lugares establecidos ao efecto. O peso máximo autorizado para vehículos que circulen polo Casco Vello será de 3,5 toneladas. Fóra do horario sinalado, non poderá circular vehículo ningún, salvo autorización expresa do Concello.
Para a circulación de vehículos polo interior do perímetro sinalado do Casco Vello establécense dous itinerarios que terán regulado o acceso:
-Rúa da Gamboa, Joaquín Yáñez e Fermín Penzol
-Rúa de San Vicente, Alta, Perigos, Real, Chao, Méndez Núñez e Sombrereiros.
Poderán, así mesmo, circular polos itinerarios establecidos os vehículos autotaxis cando fagan un servicio no interior do perímetro sinalado do Casco Vello.
Estas medidas entrarán en vigor o 18 de febreiro previa expedición das tarxetas particularizadas para os veciños do Casco Vello, permanecendo vixentes as actuais limitacións á circulación de vehículos no ámbito sinalado ata a súa plena entrada en vigor.
MÁIS INFORMACIÓN
Descargar todas as imaxes
As zonas peonais do Casco Vello serán as comprendidas no interior do perímetro delimitado polas rúas Cánovas del Castillo, Carral, Porta do Sol, Elduayen, Poboadores, San Francisco e Avda de Beiramar.
O Concello expediu arredor de 150 tarxetas que lles permitirán a entrada ós residentes e proximamente se instalarán cámaras de control conectadas coa Policía Local e un sistema de comunicación para controlar os bolardos retráctiles e regular o acceso de vehículos ó Casco Vello.
Queda prohibido o tráfico de tódolos vehículos a motor polas seguintes rúas e espacios públicos: Peñasco, San Xulián, Cesteiros, Caracol, Misericordia, Baixada á Fonte, Cárcere Vello, Esperanza, Entrada Pescadores, Xoanela, Ballesta, Ribeira do Berbés, Praza Pescadores, Praza da Princesa e Praza do Berbés, xa que polas súas características queda excluída a posibilidade de circular por elas con axeitadas condicións de seguridade.
Nas restantes rúas situadas no interior do perímetro delimitado do Casco Vello só poderán circular e estacionar os residentes que dispoñan da correspondente tarxeta identificativa expedida polo Concello.
Permítese a libre circulación de vehículos de extinción de incendios, recollida de lixo, policía e servicios de urxencia, así como dos transportes especiais nas condicións que dispoña a Policía Local.
Con carácter xeral, nas vías do ámbito sinalado nas que non está prohibida a circulación permítese un sentido único de circulación de vehículos coas condicións e limitacións establecidas e conforme á sinalización que se dispoña. Nas rúas sen saída poderase circular nos dous sentidos no treito comprendido dende a intersección máis próxima ata o fondo de saco.
As tarefas de carga e descarga de mercadorías pódense realizar entre as 8:00 horas e as 11:00 horas da mañá nos lugares establecidos ao efecto. O peso máximo autorizado para vehículos que circulen polo Casco Vello será de 3,5 toneladas. Fóra do horario sinalado, non poderá circular vehículo ningún, salvo autorización expresa do Concello.
Para a circulación de vehículos polo interior do perímetro sinalado do Casco Vello establécense dous itinerarios que terán regulado o acceso:
-Rúa da Gamboa, Joaquín Yáñez e Fermín Penzol
-Rúa de San Vicente, Alta, Perigos, Real, Chao, Méndez Núñez e Sombrereiros.
Poderán, así mesmo, circular polos itinerarios establecidos os vehículos autotaxis cando fagan un servicio no interior do perímetro sinalado do Casco Vello.
Estas medidas entrarán en vigor o 18 de febreiro previa expedición das tarxetas particularizadas para os veciños do Casco Vello, permanecendo vixentes as actuais limitacións á circulación de vehículos no ámbito sinalado ata a súa plena entrada en vigor.
MÁIS INFORMACIÓN