Coia celebra a súa sétima Festa do Mozo o próximo sábado
A concelleira de Xuventude, Lucía Molares, e o presidente da Asociación de Veciños "Camiño Vello" de Coia, Ventura Pérez, presentaron hoxe mércores a sétima edición da Festa do Mozo, que terá lugar en Coia o próximo sábado 27 de maio.
Será, segundo adiantou Lucía Molares, "un día de festa" do que poderán gozar todos os mozos e mozas, pero que tamén estará "aberto a todo o mundo". As máis de 20 asociacións participantes porán en marcha os seus talleres a partir das 12:00, nunha carpa habilitada con ese fin na avenida de Castelao.
Entre as actividades que poderán practicar os rapaces nestes talleres figuran as de deporte, reciclaxe, manualidades, xadrez e ximnasia rítmica, entre outras. Con cada participación nun dos talleres, os mozos e mozas irán sumando puntos nunha tarxeta que se lles entregará ao entrar no recinto. Sumados seis puntos, entrarán no sorteo de dúas bicicletas.
Ademais, a Festa do Mozo contará con inchables, unha tirolina, e un tren turístico que fará un circuíto urbano partindo da propia avenida de Castelao.
Como principal novidade desta edición, Lucía Molares salientou a contribución do Concello á Festa, consistente no pagamento do material necesario para os talleres.
Pola súa parte, Ventura Pérez, agradeceu a colaboración do Concello e congratulouse polo feito de que a Festa do Mozo "xa funciona soa". Así, segundo o presidente de "Camiño Vello", "xa non hai que chamar ás asociacións" para organizar o evento, senón que son elas mesmas as que se ofrecen para participar.
Descargar todas as imaxes
Entre as actividades que poderán practicar os rapaces nestes talleres figuran as de deporte, reciclaxe, manualidades, xadrez e ximnasia rítmica, entre outras. Con cada participación nun dos talleres, os mozos e mozas irán sumando puntos nunha tarxeta que se lles entregará ao entrar no recinto. Sumados seis puntos, entrarán no sorteo de dúas bicicletas.
Ademais, a Festa do Mozo contará con inchables, unha tirolina, e un tren turístico que fará un circuíto urbano partindo da propia avenida de Castelao.
Como principal novidade desta edición, Lucía Molares salientou a contribución do Concello á Festa, consistente no pagamento do material necesario para os talleres.
Pola súa parte, Ventura Pérez, agradeceu a colaboración do Concello e congratulouse polo feito de que a Festa do Mozo "xa funciona soa". Así, segundo o presidente de "Camiño Vello", "xa non hai que chamar ás asociacións" para organizar o evento, senón que son elas mesmas as que se ofrecen para participar.