O alcalde visita o inmoble que albergará o centro sociocultural de Coruxo
O alcalde de Vigo, Lois Castrillo, visitou o edificio rehabilitado en Coruxo para acoller diferentes dotacións socioculturais. Trátase do inmoble da antiga subestación eléctrica, unha casa que acaba de ser totalmente reformada con fondos municipais e do programa europeo Proder conseguidos a través da Mancomunidade de Concellos de Vigo. O presuposto da obra foi de 380.000 euros.
Este edificio, que ten unha superficie de máis de 600 m2, vai ser posto a disposición das asociacións veciñais da parroquia para que o utilicen para as súas actividades sociais e culturais. Ademáis, no inmoble instalarase un punto de atención municipal onde os veciños poderán obter información e realizar algúns trámites administrativos. Outra parte do edificio reservarase para instalar un local de información turística dos concellos da Mancomunidade.
O alcalde sinalou que a creación deste centro sociocultural en Coruxo hai que enmarcala nun programa dirixido a descentralizar servicios municipais dotando a todos os barrios e parroquias de Vigo de locais onde os veciños poidan facer determinadas xestións administrativas e que ademáis sirvan para albergar actividades sociais e culturais. Lois Castrillo afirmou que moi pronto tamén disporán de centros semellantes Teis, o Barrio Histórico ou Saians entre outros lugares.
O alcalde explicou que o goberno municipal non só está a impulsar a creación de grandes infraestructuras culturais como o Museo de Arte Contemporánea ou a Casa das Palabras senon que tamén está creando unha rede de dotacións culturais en barrios e parroquias que persegue achegar servicios aos cidadáns incrementar a calidade de vida dos residentes en puntos do municipio alonxados do centro urbano.
Descargar todas as imaxes
Este edificio, que ten unha superficie de máis de 600 m2, vai ser posto a disposición das asociacións veciñais da parroquia para que o utilicen para as súas actividades sociais e culturais. Ademáis, no inmoble instalarase un punto de atención municipal onde os veciños poderán obter información e realizar algúns trámites administrativos. Outra parte do edificio reservarase para instalar un local de información turística dos concellos da Mancomunidade.
O alcalde sinalou que a creación deste centro sociocultural en Coruxo hai que enmarcala nun programa dirixido a descentralizar servicios municipais dotando a todos os barrios e parroquias de Vigo de locais onde os veciños poidan facer determinadas xestións administrativas e que ademáis sirvan para albergar actividades sociais e culturais. Lois Castrillo afirmou que moi pronto tamén disporán de centros semellantes Teis, o Barrio Histórico ou Saians entre outros lugares.
O alcalde explicou que o goberno municipal non só está a impulsar a creación de grandes infraestructuras culturais como o Museo de Arte Contemporánea ou a Casa das Palabras senon que tamén está creando unha rede de dotacións culturais en barrios e parroquias que persegue achegar servicios aos cidadáns incrementar a calidade de vida dos residentes en puntos do municipio alonxados do centro urbano.