Cultura organiza un programa didáctico de achegamento á colección de Policarpo Sanz
A Concellería de Cultura organiza un programa didáctico de achegamento á colección de pintura e obxectos do Legado de Policarpo Sanz dirixido a adultos con nenos. Monitores especializados realizan visitas guiadas e imparten un obradoiro de artes plásticas de carácter gratuíto os sábados a partir das 11:00 horas na Casa das Artes.
Os obxectivos deste programa son motivar os alumnos de Primaria na área de Historia da Arte, empregar a plástica como ferramenta interdisciplinar nas distintas áreas de coñecemento e involucrar as familias na realización de actividades culturais conxuntas. Preténdese tamén aproveitar a receptividade dos nenos, carentes de prexuízos fronte á arte, para implicar os pais e utilizar as actividades culturais como método de formación para explicar a historia da cidade.
As actividades teñen unha duración de dúas horas e media e conteñen unha visita comentada, na que se impartirán nocións básicas sobre a historia da colección e a figura de Policarpo Sanz, así como as diferentes manifestacións artísticas que se poden atopar nela cunha linguaxe adaptada ós nenos. A segunda parte consta dun obradoiro dirixido a facilitar a comprensión, mediante exercicios prácticos de conceptos como forma, cor, materia e escolas artísticas dos contidos desta colección.
Este programa está especialmente recomendado a nenos de entre 8 e 11 anos. A participación efectuarase por rigorosa orde de chegada e ten un aforo limitado.
Máis información no museo municipal ”Quiñones de León” (986 29 50 70 ou 646 69 95 91)
COLECCIÓN DE PINTURA
Descargar todas as imaxes
Os obxectivos deste programa son motivar os alumnos de Primaria na área de Historia da Arte, empregar a plástica como ferramenta interdisciplinar nas distintas áreas de coñecemento e involucrar as familias na realización de actividades culturais conxuntas. Preténdese tamén aproveitar a receptividade dos nenos, carentes de prexuízos fronte á arte, para implicar os pais e utilizar as actividades culturais como método de formación para explicar a historia da cidade.
As actividades teñen unha duración de dúas horas e media e conteñen unha visita comentada, na que se impartirán nocións básicas sobre a historia da colección e a figura de Policarpo Sanz, así como as diferentes manifestacións artísticas que se poden atopar nela cunha linguaxe adaptada ós nenos. A segunda parte consta dun obradoiro dirixido a facilitar a comprensión, mediante exercicios prácticos de conceptos como forma, cor, materia e escolas artísticas dos contidos desta colección.
Este programa está especialmente recomendado a nenos de entre 8 e 11 anos. A participación efectuarase por rigorosa orde de chegada e ten un aforo limitado.
Máis información no museo municipal ”Quiñones de León” (986 29 50 70 ou 646 69 95 91)
COLECCIÓN DE PINTURA