A exposición itinerante Titanic the exhibition fará escala en Vigo
A exposición itinerante Titanic the exhibition recalará en Vigo entre outubro e decembro deste ano. A mostra, que xa obtivo un grande éxito en Barcelona e no Porto, reúne elementos orixinais e reproduccións que pretenden facer que os visitantes "se sintan como pasaxeiros" do máis famoso dos Transatlánticos.
A exposición itinerante Titanic the exhibition sobre o mítico transatlántico recalará finalmente en Vigo entre outubro e decembro deste ano. Así o confirmou hoxe a alcaldesa, Corina Porro, despois de reunirse con Jesús Ferreiro, comisario da exposición. O recinto da cidade que albergará a exposición, que require 1.500 metros cadrados de espazo, darase a coñecer nos vindeiros días.
Titanic the exhibition alcanzou un grande éxito en Barcelona con motivo do Forum 2004. Desde alí trasladouse ao Porto, onde permanecerá ata o 20 de marzo. Os organizadores da exposición esperan chegar aos 28 millóns de visitantes no presente ano. Ao se confirmar o seu paso por Vigo, esta exposición convértese nun complemento das actividades previstas para o próximo outono no marco da saída desde a ría viguesa da Volta ao Mundo de Vela (Volvo Ocean Race).
A mostra reúne elementos orixinais do Titanic, como unha tumbona de cuberta, unha cadeira dun dos comedores, xoias, cartas, recordos dos pasaxeiros, un anaco de carbón, a lista de falecidos e escritos e publicidade da navieira. Ademais, reproduce con exactitude camarotes, vaixelas, un corredor de primeira clase ou o choque co iceberg, concluíndo cunha homenaxe aos mortos. Todos estes elementos están pensados, segundo Jesús Ferreiro, "para que as persoas que visitan a exposición se sintan como pasaxeiros do mítico Titanic".
Así mesmo, desde a organización apúntase a posibilidade de que esta exposición conte coa presencia do director da película "Titanic", James Cameron, e o actor protagonista do filme, Leonardo di Caprio. Neste sentido, Jesús Ferreiro asegurou que "se poden, virán".
Descargar todas as imaxes
Titanic the exhibition alcanzou un grande éxito en Barcelona con motivo do Forum 2004. Desde alí trasladouse ao Porto, onde permanecerá ata o 20 de marzo. Os organizadores da exposición esperan chegar aos 28 millóns de visitantes no presente ano. Ao se confirmar o seu paso por Vigo, esta exposición convértese nun complemento das actividades previstas para o próximo outono no marco da saída desde a ría viguesa da Volta ao Mundo de Vela (Volvo Ocean Race).
A mostra reúne elementos orixinais do Titanic, como unha tumbona de cuberta, unha cadeira dun dos comedores, xoias, cartas, recordos dos pasaxeiros, un anaco de carbón, a lista de falecidos e escritos e publicidade da navieira. Ademais, reproduce con exactitude camarotes, vaixelas, un corredor de primeira clase ou o choque co iceberg, concluíndo cunha homenaxe aos mortos. Todos estes elementos están pensados, segundo Jesús Ferreiro, "para que as persoas que visitan a exposición se sintan como pasaxeiros do mítico Titanic".
Así mesmo, desde a organización apúntase a posibilidade de que esta exposición conte coa presencia do director da película "Titanic", James Cameron, e o actor protagonista do filme, Leonardo di Caprio. Neste sentido, Jesús Ferreiro asegurou que "se poden, virán".