O Concello pagou aos provedores en 6,55 días de media no mes de febreiro
O alcalde deu conta este luns dos pagamentos realizados polo Concello no mes de febreiro que sumaron un total de 11.328.0000 euros. Amais, explicou que desde o 10 de marzo haberá dez pistas de tenis operativas en Samil.
No mes de febreiro, o Concello de Vigo realizou os pagos a provedores nunha media de 6,55 días, ascendendo a conta de aboamentos que executa ás empresas coas que contrata a un total de 11.328.000 euros.
“Un tempo récord”, apuntou Abel Caballero, explicando que algunhas institucións aboan os seus pagamentos nun prazo de 90 ou 120 días. No caso do Concello de Vigo, a xente que traballa facendo obras ou prestando determinados servizos “cobran en seis días e medio; en consecuencia non teñen que estar con créditos e pólizas. Pagamos de forma inmediata e iso implica que favorecemos a economía porque unha empresa que cobre inmediatamente poderá pagar a traballadores e aos seus provedores. Prestamos gran axuda á economía de Vigo”.
Pistas de tenis Samil
O alcalde informou este luns da posta en funcionamento de máis pistas de tenis nas instalacións deportivas de Samil, logo de que quedaron danadas polo temporal, provocando o seu peche. O goberno municipal acometeu varios arranxos no peche de varias das pistas e, esde o vindeiro 10 de marzo, estarán operativas para uso cidadá un total de 10: 3 serán para escolas deportivas e as 7 restantes de uso libre.