Remata a obra de remodelación da cuberta do pavillón de Bouzas
O AMFIV volverá adestrar e xogar no pavillón de Bouzas unha vez rematada a obra de rehabilitación da cuberta. O Concello investiu 75.000 euros. Tamén o alcalde visitou as obras de reforma dos vestiarios no campo de fútbol do Rápido de Bouzas.
O alcalde visitou o resultado da obra de rehabilitación da cuberta do pavillón de Bouzas, instalación deportiva que volverá estar dispoñible para o AMFIV y o hockey sobre patines nesta fin de semana. O goberno local investiu 75.000 euros para “unha gran reforma de rehabilitación da estrutura e resolver problemas de filtracións”.
Amais, o alcalde tamén visitou en Bouzas a reforma dos vestiarios do campo de fútbol. “No prazo dun mes os vestiarios estarán en moi boas condicións”, asegurou. Caballero lembrou que o goberno local renovará os vestiarios de todos os campos de fútbol da cidade.