Vigo súmase á campaña “Saca peito polas máis vulnerables” da AECC
No Día Mundial contra o Cancro de Mama, o alcalde trasladou o apoio da cidade “a tódalas mulleres que sofren cancro de mama e a tódalas familias” das mulleres que están pasando por esta situación.
Durante esta xornada tódolos autobuses urbanos emiten o vídeo da campaña “Saca Peito polas máis vulnerables” que quere concienciar sobre o cancro de mama. O Concello adhírese así á proposta da Asociación Española contra o cancro en Vigo.
A campaña de ámbito nacional quere poñer o foco nas mulleres que sofren a enfermidade que, “amais de ter un problema severo de saúde”, vólvense máis vulnerables economicamente. Segundo datos da AECC, cada ano diagnostícanse en España 33.000 novos casos de cancro de mama e o 15% das mulleres diagnosticadas está en situación de extrema vulnerabilidade; o 34% perden o seu traballo ou vense obrigadas a deixalo pola enfermidade e preto do 70% perderon o seu salario ou ingreso
O alcalde demandou en rolda de prensa “a atención máxima e a cobertura máxima a esta doenza”.