O rexedor anima á mocidade viguesa a promover os valores
Abel Caballero asistiu este mércores ao peche do I Congreso de Valores para mozos de Vigo que organiza a Fundación "Lo que te mueve" a través de charlas motivacionais e de valores co alumnado de Secundaria. O rexedor destacou a importancia da educación en valores e da súa promoción na sociedade actual, que debe enfrontarse a realidades que supoñen retos, como é o caso da inmigración ou da violencia de xénero.
