María Méndez visita no colexio Apóstol un dos 30 obradoiros para promover a cooperación internacional
A concelleira de Benestar Social, María Méndez, visitou hoxe un dos 30 obradoiros de sensibilización que se están a desenvolver en diferentes centros educativos da cidade dentro da campaña de sensibilización impulsada polo Consello Municipal de Cooperación Internacional. A nacionalista salientou a importancia de traballar os valores da solidariedade desde as idades máis temperás.
O obradoiro de hoxe tivo lugar no colexio Apóstol Santiago, un dos 22 da cidade que participan nesta campaña. O "Atrapa contos" Anxo Moure foi o encargado de achegar aos nenos e nenas de Educación Infantil á situación na que viven nos países menos desenvolvidos a través dun conta contos. A actividade tamén chegou aos alumnos e alumnas de Bacharelato.
María Méndez explicou que esta campaña, que se iniciou hai dous meses, pretende sensibilizar sobre os obxectivos do milenio. "Estamos moi satisfeitos porque estamos chegando a 22 centros escolares e facendo que moitos nenos e nenas se familiaricen con palabras como solidariedade ou coñezan como viven os nenos ou nenas doutros países. Estamos conseguindo que a xente do mañá sexa consciente de que hai países que precisan da nosa solidariedade", indicou.
Estes obradoiros son unha máis das actividades que se están a desenvolver por iniciativa do Consello Municipal de Cooperación para achegar á cidadanía os obxectivos do milenio. David Viso, membro do consello e da ONG Entreculturas, sinalou que, entre outras iniciativas, tamén se organizou unha exposición que se está a levar los centros escolares, celebrouse un foro de ONGs e houbo unha sección de curtos solidarios dentro do festival Curtopía. Avogou porque as ONGs que están no consello municipal continúen tendo apoio para seguir traballando a prol da cooperación internacional.
Descargar todas as imaxes
María Méndez explicou que esta campaña, que se iniciou hai dous meses, pretende sensibilizar sobre os obxectivos do milenio. "Estamos moi satisfeitos porque estamos chegando a 22 centros escolares e facendo que moitos nenos e nenas se familiaricen con palabras como solidariedade ou coñezan como viven os nenos ou nenas doutros países. Estamos conseguindo que a xente do mañá sexa consciente de que hai países que precisan da nosa solidariedade", indicou.
Estes obradoiros son unha máis das actividades que se están a desenvolver por iniciativa do Consello Municipal de Cooperación para achegar á cidadanía os obxectivos do milenio. David Viso, membro do consello e da ONG Entreculturas, sinalou que, entre outras iniciativas, tamén se organizou unha exposición que se está a levar los centros escolares, celebrouse un foro de ONGs e houbo unha sección de curtos solidarios dentro do festival Curtopía. Avogou porque as ONGs que están no consello municipal continúen tendo apoio para seguir traballando a prol da cooperación internacional.