Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 23 de agosto de 2019

Imprimir | Enviar | | Compartir:  


Caballero destaca a "explosión" do turismo en Vigo tras "bater todos os récords" en xullo

O alcalde avanzou este venres os datos de ocupación hoteleira rexistrados durante o pasado mes de xullo en Vigo. Segundo indicou o rexedor, a cidade bateu "todos os récords" ao alcanzar un total de 103.128 pernoitacións e cualificou a situación como unha "explosión turística".

O alcalde de Vigo, Abel Caballero, asegurou este venres que a cidade está a vivir unha "explosión" de turismo tras rexistrar o pasado mes de xullo cifras que "baten todos os récords" na urbe.

Segundo explicou, no pasado mes de xullo as pernoitacións creceron un 10,26% respecto a xullo de 2018 ata chegar a 103.128 persoas aloxadas nos hoteis da cidade. "Seguimos mellorando e mellorando, en términos turísticos, o mellor mes de xullo desde que existen rexistros no INE", indicou.

Caballero asegurou que no balance dos primeiros sete meses, as pernoitacións subiron un 13,27%, polo que considerou que estamos ante "unha explosión de turismo en Vigo". O alcalde insistiu en que é un dato obxectivo e contrastado, polo que "estamos batendo todos os retos imaxinables".

O grado de ocupación, segundo os datos aportados polo alcalde, estivo no 81,87%. "É o non va máis, preparémonos porque isto segue a mellor, imos ter o mellor Nadal que nunca tivemos, e tirará do turismo, hai tres ou catro anos non podíamos imaxinar o nivel de ocupación que temos agora", concluíu.
Mais noticias
O alcalde propón á Xunta pagar a terzos con Concello e Deputación o novo Marcador
Abel Caballero recibiu no Pleno aos participantes no campamento Verán do Lecer
Campionato Galego de tenis praia, esta fin de semana en Samil, cunha exhibición ante xogadores do Vigobao
Caballero garante o apoio do Concello de Vigo á Coral Casablanca


Volver á portada

© Gabinete de Prensa - Concello de Vigo 2003