Logo dunha entrevista este martes cos responsables de Conxemar, Abel Caballero confirmou que foi invitado e asistirá á reunión da xunta directiva do próximo día 13, co horizonte da ampliación do recinto feiral de cara á edición 2020 da Feira, que contará coa competencia da Seafood de Barcelona.
Un total de 62 adolescentes caboverdianas embarazadas puideron continuar os seus estudos grazas ao programa "Ela estuda por dous" que financia integramente o Concello de Vigo en Cabo Verde. O obxectivo é promover o dereito social básico á educación dun colectivo moi vulnerable.
Un servizo especial de transporte urbano porase en marcha este venres 1 de novembro para facilitar o desprazamento de pasaxeiros ata os cemiterios da cidade. Ademais, as liñas regulares máis demandadas disporán dun servizo de ampliación de frecuencia. Tamén haberá reforzo para a noite do Samaín.
O goberno municipal programa para este xoves, 31 de outubro, obradoiros para os cativos a partir de 3 e 4 anos diante do MARCO e na peonil do Calvario. Amais, a rúa do Príncipe encherase de música con pasacalles e haberá un serán no Calvario.