O Concello de Vigo recibiu xa un total de 2.277 solicitudes a falta de dous días para pechar o prazo de axudas extraordinarias a familias para gastos de aloxamento, subministración e alimentos do ano 2019. O importe total da subvención supera os 1,6 millóns de euros.
A Xunta de Goberno Local aprobará o convenio coa Asociación Galega do Pobo Saharauí para custear as viaxes a Vigo dos nenos dos campamentos de Tinduf en verán e tamén o convenio coa Federación de Libreiros de Galicia para o desenvolvemento das feiras do libro de Vigo 2019.
Volve o vindeiro 9 de xuño a festa solidaria Coruxo Móvese que patrocina o Concello e que organiza a Fundación Isidre Esteve coa colaboración do Coruxo FC. Visualizar o traballo da fundación en apoio das persoas con discapacidade ou movilidade reducida é o obxectivo desta "iniciativa feliz que polas súas características é unha cita especial polo que significa de deporte e diversión, de alegría e de integración", explicou o concelleiro de Deportes, Manel Fernández, na presentación do evento.