mércores, 28 novembro 2018

O Pleno pide á Xunta reformular o anteproxecto de lei de ordenación do territorio para evitar "expropiacións a favor de promotores a dedo"

mércores, 28 nov 2018

A Corporación Municipal de Vigo celebrou este mércores a sesión plenaria do mes de novembro na que aprobou unha moción para solicitar á Xunta que reformule o anteproxecto de lei de ordenación do territorio de Galicia. Tamén saíron adiante cos votos de PSOE e Marea as propostas para pedir a administración autonómica partidas para humanización de viais e melloras nos centros educativos.

A modificación da ordenanza fará posible que a concesionaria do Cunqueiro abone 900.000 euros de IBI

mércores, 28 nov 2018

O goberno de Vigo aprobou este mércores no Pleno a modificación definitiva da ordenanza, sen o voto favorable de PP nin Marea. O edil de Facenda, Jaime Aneiros, explicou a empresa concesionaria declarou 3,5 millóns de beneficio en 2017 e recordou que están exentos do pago do IBI os centros de atención primaria de saúde, titularidade do Sergas, con persoal funcionario ou estatutario.

A Federación de Pais e Nais de Alumnos esixe á Xunta un novo mapa escolar

mércores, 28 nov 2018

En representación de FOANPAS, Regina Ibáñez expuxo ante a Corporación a urxencia de replantexar as zonas escolares e o mapa de adscricións, pois o actual é "obsoleto e inxusto" e discrimina aos centros públicos. Ao remate das intervencións dos grupos, Abel Caballero trasladou o "apoio total" e o "recoñecemento" do goberno vigués á Federación.

Declaración institucional polo 25 de Novembro

mércores, 28 nov 2018

Isabel López, do colectivo Escola de Mulleres Solidarias e no nome do Consello municipal da muller, deu lectura este mércores no Pleno da Corporación a unha declaración institucional polo Día internacional da eliminación da violencia contra a muller.