O goberno de Vigo, segundo informou este martes o alcalde, anunciou a cesión durante seis meses dunha vivenda municipal a unha muller e o seu fillo, vítimas de violencia de xénero. O alcalde recordou que o Concello ten un amplo programa de atención, acollemento, formación e inserción laboral ao que dedica case un millón de euros.
O alcalde de Vigo, Abel Caballero, informou este martes de que o Grupo de Traballo de Integridade na Contratación Pública, promovido polo Concello de Vigo e constituído na Rede pola Transparencia e a Participación Cidadá da FEMP, foi recoñecido co Premio Novagob Excelencia 2017 á loita contra a corrupción.
O alcalde visitou este martes o "Verán Náutico" que organiza o goberno vigués na dársena da ETEA para 80 chicos e chicas, con práctica de vela, kayak e windsurf, padelsurf, entre outras. O Concello conta con case 28.000 prazas en campamentos e actividades de verán este ano para facilitar a "conciliación", explicou Caballero.
Enrique Mallón, secretario xeral da Asociación de industrias Metalúrxicas (Asime), será o encargado de ler este martes o pregón do Día de Galicia en Vigo. O acto celebrarase ás 20:00 horas no Pazo de Castrelos e contará coas actuacións de Rodrigo Romaní Trío e a Academia Media Punta.