O concelleiro de Benestar Social, Ignacio López Chaves, entregou os diplomas ás persoas que participaron nos I Encontros profesionais sobre Atención á Infancia e que rematou hoxe no Instituto Municipal de Educación. Os encontros celebraronse durante catro sesións e estaban dirixidos ós orientadores e mestres de apoio de centros de educación primaria da cidade.
A Casa da Xuventude inicia este mes de marzo unha nova rolda de exposicións co título xenérico de "punto de encontro" que se prolongarán ata o mes de xullo. Nestes meses poderase visitar mostras de fotografía, pintura, publicacións e diferentes traballos de colectivos.
O Museo de Arte Contemporáneo inicia o venres, 5 de marzo, o ciclo "Cine y casi cine" coa proxección dos títulos "The Lost Film" , Europlex e Vacances. O ciclo que durará todo o mes de marzo pretende ser un reflexo da heteroxeneidade da arte e do panorama audiovisual contemporánea ó reunir películas non narrativas, anti-documentais e documentais subxectivos que amosan voces e culturas diversas.