Iolanda Veloso entrega os premios aos 68 gañadores do sorteo das "Tardes e Noites Vivas"
A concelleira de Xuventude, Iolanda Veloso, entregou este xoves os premios aos gañadores e gañadoras do sorteo celebrado no marco do programa "Tardes e Noites Vivas". En total foron 68 os mozos e mozas que obtiveron o seu agasallo. En total, repartíronse 25 MP4, 20 marcos dixitais, 20 altofalantes para Pc con webcam e micro e 3 bicicletas pregables, segundo salientou Iolanda Veloso.
"Estamos moi satisfeitos da alta participación no sorteo, porque significa así mesmo unha alta participación nas actividades que forman parte do programa de "Tardes e Noites Vivas", indicou a concelleira, quen ademais de felicitar os premiados do concurso sinalou que a variedade das actividades propostas nesta programación "resulta altamente atraínte para os mozos e mozas de Vigo".
Iolanda Veloso animou, así mesmo, a toda a mocidade viguesa a participar en todas as iniciativas propostas dende a súa Concellería, das que poden atopar información na Casa da Xuventude.
Descargar todas as imaxes
Iolanda Veloso animou, así mesmo, a toda a mocidade viguesa a participar en todas as iniciativas propostas dende a súa Concellería, das que poden atopar información na Casa da Xuventude.