A procesión do Cristo da Victoria repetirá o percorrido do ano pasado
O concelleiro de Tráfico, Antonio Coello percorreu hoxe martes, acompañado por representantes da Confradía do Cristo da Victoria, as rúas polas que pasará a procesión do Cristo para comprobar o seu bo estado. O percorrido da procesión, que terá lugar o 6 de agosto, será o mesmo do ano pasado.
![1152618065cristo06.jpg 1152618065cristo06.jpg](https://xornal.vigo.org/storage/xornal-historico/medi/xornal/noticias/imx/opt/1152618065cristo06.jpg)
Ese día, o primeiro domingo do mes, a procesión do Cristo sairá da Colexiata en dirección á rúa Real, atravesando o Casco Vello ata chegar ao Berbés. De aí dirixirase a Cánovas del Castillo, Montero Ríos e a confluencia con Colón, e subirá ata Policarpo Sanz para regresar ao punto de partida.
Este percorrido é o que se realizou por primeira vez o ano pasado. Antonio Coello afirmou que "me parece axeitado mantelo", visto que resultou "un éxito" e lles gustou tanto á Confraría como ao Goberno municipal. O irmán carreiro Manuel Sanjurjo salientou, ademais, o "carácter mariñeiro" que este itinerario confire a este acto relixioso. A modificación do percorrido que ata daquela se fixera debeuse ás obras de humanización no contorno da praza de Compostela.
O Cristo da Victoria é o eixo arredor do cal xiran as festas principais de Vigo, que se celebran nos meses de xullo e agosto.
Descargar todas as imaxes
Este percorrido é o que se realizou por primeira vez o ano pasado. Antonio Coello afirmou que "me parece axeitado mantelo", visto que resultou "un éxito" e lles gustou tanto á Confraría como ao Goberno municipal. O irmán carreiro Manuel Sanjurjo salientou, ademais, o "carácter mariñeiro" que este itinerario confire a este acto relixioso. A modificación do percorrido que ata daquela se fixera debeuse ás obras de humanización no contorno da praza de Compostela.
O Cristo da Victoria é o eixo arredor do cal xiran as festas principais de Vigo, que se celebran nos meses de xullo e agosto.