A Policía Local desenvolve a súa campaña de educación vial en 82 centros escolares
Como en cursos anteriores, o departamento de Educación Vial da Policía Local está a desenvolver unha campaña dirixida aos centros de educación infantil e primaria. Neste 2005-2006 participan nesta actividade formativa máis de 13.000 alumnos de 82 colexios.
Este ano os axentes-monitores da Policía Local, axudados de guías didácticas, imparten as súas charlas teóricas aos alumnos de catro e cinco anos e aos dos primeiros cursos de cada ciclo (1º, 3º e 5º), así como aos de 6º de primaria. Ademais, os nenos de 6º curso participan en sesións práticas de avaliación dos seus coñecementos e destreza no parque infantil de tráfico situado no Castro, co obxcecto de potenciar neles unha conducción máis segura e cívica.
Dentro desta campaña de educación vial, a Policía Local visitará un total de 80 colexios, tres por semana. Esta actividade formativa vai dirixida a un total de 13.184 escolares. No curso 2001-2002, o primeiro en que se realizou a campaña, participaron 6.103 alumnos de 71 colexios.
Desde a Policía Local saliéntase o éxito de participación desta iniciativa, xa que desde os seus inicios ata hoxe o seu labor pedagóxico se viu recompensado sempre co agradecemento dos pais e da comunidade educativa.
Doutra banda, a Policía Local continúa coa súa campaña de control do transporte escolar deste curso, dentro da cal leva ispeccionados 40 vehículos sen ter detectado neles infracción ningunha.
Descargar todas as imaxes
Dentro desta campaña de educación vial, a Policía Local visitará un total de 80 colexios, tres por semana. Esta actividade formativa vai dirixida a un total de 13.184 escolares. No curso 2001-2002, o primeiro en que se realizou a campaña, participaron 6.103 alumnos de 71 colexios.
Desde a Policía Local saliéntase o éxito de participación desta iniciativa, xa que desde os seus inicios ata hoxe o seu labor pedagóxico se viu recompensado sempre co agradecemento dos pais e da comunidade educativa.
Doutra banda, a Policía Local continúa coa súa campaña de control do transporte escolar deste curso, dentro da cal leva ispeccionados 40 vehículos sen ter detectado neles infracción ningunha.