Escoitar

A alcaldesa inaugura mañá a nova sede da asociación de veciños "Fonte do Galo"

Sita na planta baixa do edificio 41-Z da rúa Rosalía de Castro, o local conta con 201,70 metros cadrados construídos e cunha terraza de 420 metros. O local será cedido de balde ao colectivo veciñal.

venres, 8 out 2004
A alcaldesa de Vigo, Corina Porro, inaugurará mañá sábado, 9 de outubro, a nova sede da Asociación de Veciños "Fonte do Galo", sita na rúa Rosalía de Castro. Esta nova infraestructura deriva dun convenio urbanístico aprobado no Pleno do Concello no que se establece a obriga da cesión de balde dun local dedicado á dotación sociocultural a favor do Concello de Vigo.

O local, emprazado na planta baixa do edificio 41-Z da citada rúa, conta cunha superficie construída de 201,70 metros cadrados e o uso de superficie dunha terraza exterior anexa de 420 metros. O espacio quedará distribuído de tal maneira que conte cunha recepción, despacho da administración, aula de informática, sala de reunións, sala de usos múltiples, almacén y servicios. O acondicionamento da superficie contou cun investimento total de 85.548 euros.

A Asociación de veciños Fonte do Galo, con 482 socios, atópase inscrita no rexistro de entidades do Concello de Vigo dende 1989 e conta cun orzamento para o presente ano de 12.490,40 euros.

A zona de influencia na que se atopa esta infraestructura comunitaria situase nun núcleo de carácter urbano, no entorno dos barrios censais do Areal, García Barbón e Santiago de Vigo, cunha poboación afecta ao mesmo entorno de 11.200 persoas. Fonte do Galo é a única asociación inscrita neste área, polo que a súa funcionalidade é fundamental para a súa eficacia e na achega de novos servicios ao cidadán.