O Torneo de Semana Santa do Seis do Nadal permitirá disputar un centenar de partidos no pavillón de Navia
O baloncesto protagonizará a Semana Santa deportiva na cidade. O pavillón de Navia reunirá a máis de 220 xogadores procedentes de 43 equipos de toda Galicia para disputar un centenar de partidos.
Abel Caballero participou esta mañá na presentación do Campus de Vigo 3x3 e o Torneo de Semana Santa Seis do Nadal. Do venres 3 ao sábado 4 de abril, o Baloncesto Seis do Nadal desenvolverá como novidade un campus específico de baloncesto 3x3 para as categorías de benxamín a junior. Tal e como detallou Caballero na rolda de prensa, xa hai 42 xogadores e xogadoras inscritos de toda Galicia que contarán con 8 adestradores, entre os que figuran seleccionadores galegos.
O domingo 5 terá lugar o segundo Torneo de baloncesto 3x3 de 2026, con 220 xogadores e xogadoras procedentes de 43 equipos de toda Galicia que disputarán un centenar de partidos. O pavillón de Navia será o que albuergue unha actividade deportiva que sitúa a Vigo á cabeza do baloncesto 3x3 en Galicia.
Caballero estivo acompañado na rolda de prensa por Marta Calvo, directiva do Seis do Nadal; Sergio González, director deportivo; entrenadores e representes das e dos xogadores. Tamén estivo presente o concelleiro de Deportes, Manel Fernández.