O Centro de Documentación Feminista organiza charlas e aulas de creación literaria
Presentacións de libros, faladoiros ou encontros virtuais con centros educativos son algunhas das actividades previstas para os próximos meses no Centro de Documentación Feminista. Todas as iniciativas son gratuítas.
O alcalde deu conta esta mañá da programación do Centro de Documentación Feminista que inclúe actividades variadas entre setembro e de decembro. Catro presentacións de libros, 4 ciclos de lectura, 8 aulas de creación literaria e 10 faladoiros e encontros virtuais con diferentes centros educativos.
As actividades son gratuítas e de acceso libre ata completar aforo. Tal e como indicou, só é precisa inscrición previa para o club de lectura e máis a aula de creación literaria. Toda a información está na web www.igualdade.org e na axenda da web municipal www.vigo.org.
