Vigo da luz verde á aprobación inicial do orzamento "máis importante da súa historia"
A Corporación Municipal de Vigo deu este xoves o visto e prace cos votos do PSOE á aprobación inicial das partidas orzamentarias para o ano 2019. O alcalde destacou que se trata do orzamento "máis importante da historia" da cidade con "máis inversións e máis política social". Os grupos municipais da Marea e do PP votaron en contra.
"Quedan aprobados os orzamentos máis inversores, máis sociais e máis importantes da historia da cidade". Así pechou o alcalde de Vigo, Abel Caballero, este xoves o pleno extraordinario no que a Corporación Municipal deu o visto e prace á aprobación inicial dos presupostos para o ano 2019 cun montante total de 257,5 millóns de euros.
Os votos do PSOE -PP e Marea de Vigo votaron en contra- serviron así para que o goberno local sacase adiante o décimo segundo orzamento aprobado de xeito consecutivo. O concelleiro de Facenda, Jaime Aneiros, defendeu o documento económico por estar elaborado con equilibrio, débeda cero, impostos e taxas e prezos públicos conxelados, o que da unha "mostra dunha estabilidade política total".
O edil defendeu a elaboración das partidas, que terán superávit e débeda cero, destacando que Vigo será a "primeira cidade de Galicia que presenta o seu orzamento" e a que máis diñeiro terá á súa disposición ao longo de 2019 "pese a que a Xunta inviste cero euros en Vigo e temos que pagar as súas obrigas".
Segundo destacou Aneiros, os orzamentos contemplan grandes partidas e mencionou algunha como as de Seguridade (35 millóns de euros), Urbanismo (34 millóns), Benestar Social (52 millóns), Medio Ambiente e Parques e Xardíns (10 millóns), fomento do Emprego (5 millóns), Educación (14 millóns) e Deporte (16 millóns).
"É un orzamento inversor que vai a mellorar a vida dos vigueses, garante os servizos públicos, conxela os impostos e son unhas partidas que redistribúen cunha evolución de axudas sociais", sinalou.
Pola súa banda, a grupo municipal da Marea de Vigo argumentou a presentación dunha emenda á totalidade dos orzamentos en base a falla dunha maior colaboración cidadá na elaboración das contas e dunha fiscalidade progresiva para baixar determinados impostos.
"Se ingreso e non gasto, non vou ter problema para ir aumentando o orzamento progresivamente", apuntou o seu portavoz, Rubén Pérez, antes de indicar que "recoñécese que quedan partidas sen executar e que o orzamento de 2019 inclúe partidas de 2018".
Ademais, a voceira do Partido Popular, Elena Muñoz, tamén xustificou o voto en contra do seu grupo municipal ao considerar que o 96 por cento das partidas destinadas a investimentos "son un curta e pega" do exercicio anterior e só 1,6 millóns de euros aparecen por primeira vez.
"Non presentan nada novo, é todo publicidade e propaganda, esta cidade perdeu peso empresarial porque non hai solo industrial e as empresas pagan máis impostos e marchan", indicou a edil "popular".
Carlos López Font, voceiro do grupo municipal do PSOE, respondeu que as emendas do Partido Popular "só fan referencia ao 4 por cento das contas e demostran que non leron os orzamentos". O edil destacou que as partidas significan "estabilidade" e son "continuistas para mellorar".
Modificación orzamentaria
Antes da aprobación inicial dos orzamentos, a Corporación deu tamén luz verde a unha modificación orzamentaria de 15,6 millóns de euros para o Auditorio Mar de Vigo. Aneiros defendeu a operación alegando que o rescate da infraestrutura apenas xerará custo para os vigueses, xa que o Concello ten previsto reducir gastos mediante a venda do hotel, dos baixos comerciais e mesmo do aparcadoiro. Así mesmo, deixarase de abonar o aluguer que o Concello pagaba pola sede da UNED, que ascendía a 650.000 euros.
Os votos do PSOE -PP e Marea de Vigo votaron en contra- serviron así para que o goberno local sacase adiante o décimo segundo orzamento aprobado de xeito consecutivo. O concelleiro de Facenda, Jaime Aneiros, defendeu o documento económico por estar elaborado con equilibrio, débeda cero, impostos e taxas e prezos públicos conxelados, o que da unha "mostra dunha estabilidade política total".
O edil defendeu a elaboración das partidas, que terán superávit e débeda cero, destacando que Vigo será a "primeira cidade de Galicia que presenta o seu orzamento" e a que máis diñeiro terá á súa disposición ao longo de 2019 "pese a que a Xunta inviste cero euros en Vigo e temos que pagar as súas obrigas".
Segundo destacou Aneiros, os orzamentos contemplan grandes partidas e mencionou algunha como as de Seguridade (35 millóns de euros), Urbanismo (34 millóns), Benestar Social (52 millóns), Medio Ambiente e Parques e Xardíns (10 millóns), fomento do Emprego (5 millóns), Educación (14 millóns) e Deporte (16 millóns).
"É un orzamento inversor que vai a mellorar a vida dos vigueses, garante os servizos públicos, conxela os impostos e son unhas partidas que redistribúen cunha evolución de axudas sociais", sinalou.
Pola súa banda, a grupo municipal da Marea de Vigo argumentou a presentación dunha emenda á totalidade dos orzamentos en base a falla dunha maior colaboración cidadá na elaboración das contas e dunha fiscalidade progresiva para baixar determinados impostos.
"Se ingreso e non gasto, non vou ter problema para ir aumentando o orzamento progresivamente", apuntou o seu portavoz, Rubén Pérez, antes de indicar que "recoñécese que quedan partidas sen executar e que o orzamento de 2019 inclúe partidas de 2018".
Ademais, a voceira do Partido Popular, Elena Muñoz, tamén xustificou o voto en contra do seu grupo municipal ao considerar que o 96 por cento das partidas destinadas a investimentos "son un curta e pega" do exercicio anterior e só 1,6 millóns de euros aparecen por primeira vez.
"Non presentan nada novo, é todo publicidade e propaganda, esta cidade perdeu peso empresarial porque non hai solo industrial e as empresas pagan máis impostos e marchan", indicou a edil "popular".
Carlos López Font, voceiro do grupo municipal do PSOE, respondeu que as emendas do Partido Popular "só fan referencia ao 4 por cento das contas e demostran que non leron os orzamentos". O edil destacou que as partidas significan "estabilidade" e son "continuistas para mellorar".
Modificación orzamentaria
Antes da aprobación inicial dos orzamentos, a Corporación deu tamén luz verde a unha modificación orzamentaria de 15,6 millóns de euros para o Auditorio Mar de Vigo. Aneiros defendeu a operación alegando que o rescate da infraestrutura apenas xerará custo para os vigueses, xa que o Concello ten previsto reducir gastos mediante a venda do hotel, dos baixos comerciais e mesmo do aparcadoiro. Así mesmo, deixarase de abonar o aluguer que o Concello pagaba pola sede da UNED, que ascendía a 650.000 euros.