Caballero recibe as bandeiras en xogo do Campionato de España de bateis, na ETEA esta fin de semana
O alcalde de Vigo, Abel Caballero, acompañado polo concelleiro de Deportes, Manel Fernández, recibiu na Alcaldía a unha representación da organización do 73 Campionato de España de bateis, encabezada polo presidente da Federación Galega de Remo, José Manuel Seijas, e o vicepresidente do Club de Remo Virxe da Guía, Paco Santiago. A proba disputarase por vez primeira fronte á ETEA, a antiga base naval, esta fin de semana, e o rexedor recibiu as bandeiras en xogo.
Máis de oitenta tripulacións das federacións de Galicia (a participación máis numerosa), País Vasco, Cantabria e Asturias cítanse na ría, cun único representante vigués, o batel cadete masculino do Club de Remo Virxe da Guía.
No entanto, a representación dos clubs da ría é numerosa, pois haberá tripulacións de Club de Remo Chapela, Vila de Cangas, Sociedade Deportiva Tirán, C.R. Meira e C.R. Moaña.
O campionato contempla sete categorías, catro masculinas (infantil, cadete, xuvenil e absoluta) e tres femininas (promesa, xuvenil e absoluta). As series clasificatorias celébranse este sábado dende as 17:00 horas, mentres que o domingo 1 as finais B (consolación) abren a xornada (10:00) e a pelexa polos títulos será xusto ao mediodía (12:00).
En total, o Nacional moverá a 450 deportistas, figurando tamén os clubs máis históricos chegados das outras comunidades autónomas, casos de Castropol (Asturias), Astillero (Cantabria) ou os vascos Pasai Koxtape (Pasajes de San Juan), Orio, Kaiku e Bermeo.
Descargar todas as imaxes
No entanto, a representación dos clubs da ría é numerosa, pois haberá tripulacións de Club de Remo Chapela, Vila de Cangas, Sociedade Deportiva Tirán, C.R. Meira e C.R. Moaña.
O campionato contempla sete categorías, catro masculinas (infantil, cadete, xuvenil e absoluta) e tres femininas (promesa, xuvenil e absoluta). As series clasificatorias celébranse este sábado dende as 17:00 horas, mentres que o domingo 1 as finais B (consolación) abren a xornada (10:00) e a pelexa polos títulos será xusto ao mediodía (12:00).
En total, o Nacional moverá a 450 deportistas, figurando tamén os clubs máis históricos chegados das outras comunidades autónomas, casos de Castropol (Asturias), Astillero (Cantabria) ou os vascos Pasai Koxtape (Pasajes de San Juan), Orio, Kaiku e Bermeo.