Caballero saúda a integración de Xarabal na Agrupación de Centros Deportivos e Culturais
O alcalde exerceu este martes de padriño na apertura deste proxecto conxunto que comeza no ano que a banda de gaitas conmemora tres décadas de traxectoria. Un concerto, o 26 de xullo na Porta do Sol, servirá para celebrar os 30 anos de Xarabal e esta nova etapa.
Abel Caballero definiu a integración como "da maior importancia" para a cultura viguesa e puxo en valor este "novo paso para unha nova etapa", un acordo que senta as bases para proxectos conxuntos de futuro.
A Porta do Sol, o próximo 26 de xullo, acollerá un concerto para lanzar a integración da banda de gaitas Xarabal e a Agrupación de Centros Deportivos e Culturais de Vigo, ademais de conmemorar os 30 anos de traxectoria da formación musical. Caballero invitou á cidadanía a presenciar o espectáculo e avanzou o nacemento, no mes de setembro, das Escolas Xarabal para a formación de novos músicos.
O presidente da Agrupación, Roberto Giráldez, eloxiou á banda e á súa identificación e representación da cidade de Vigo, tanto dentro como fóra das nosas fronteiras, e animou á cidadanía a asistir ao concerto, no que participarán tamén artistas nacionais -como Anxo Lorenzo- e internacionais.
Descargar todas as imaxes
A Porta do Sol, o próximo 26 de xullo, acollerá un concerto para lanzar a integración da banda de gaitas Xarabal e a Agrupación de Centros Deportivos e Culturais de Vigo, ademais de conmemorar os 30 anos de traxectoria da formación musical. Caballero invitou á cidadanía a presenciar o espectáculo e avanzou o nacemento, no mes de setembro, das Escolas Xarabal para a formación de novos músicos.
O presidente da Agrupación, Roberto Giráldez, eloxiou á banda e á súa identificación e representación da cidade de Vigo, tanto dentro como fóra das nosas fronteiras, e animou á cidadanía a asistir ao concerto, no que participarán tamén artistas nacionais -como Anxo Lorenzo- e internacionais.