A Corporación acorda iniciar os trámites para retirarlle a Gayoso a Medalla da Cidade
BNG e PP coincidiron este luns en solicitar a retirada da Medalla da Cidade a Julio Fernández Gayoso. O PSOE abstívose na votación que deu luz verde a esta moción nacionalista.
Os votos de nacionalistas e populares solicitaron esta mañá que se proceda de xeito inmediato a iniciar o expediente de retirada da distinción honorífica concedida a Julio Fernández Gayoso, a Medalla da Cidade. O texto aprobado determina que esta iniciativa poida ser aprobada no vindeiro pleno extraordinario de elección de Medalla da Cidade e Vigueses Distinguidos deste ano.