Escoitar

Restablecida a circulación pola rúa Gamboa

venres, 12 abr 2002
Rematadas as obras de reparación que se executaron nos últimos días, esta mañá reabriuse ao tráfico a rúa Gamboa. Polo tanto restablécese o sistema de acceso ao Barrio Histórico previsto no Plan de Peonalización, é dicir, permitirase o paso de vehículos polas rúas Gamboa, Joaquín Yañez e Fermín Penzol, limitándose o estacionamento aos residentes e aos labores de carga e descarga.

A reapertura de Gamboa leva aparellada de novo a prohibición da circulación pola praza de Almeida.


A liña 17 do bus urbano circulará por Guixar

A Concellería de Tráfico e Transportes pon en marcha a vindeira semana outro dos cambios previstos no Plan de Reordenación de Liñas do Transporte Urbano. A liña 17 (Fonte Alvite-A Guía) cambiará o seu percorrido para dar servicio aos veciños da zona de Guixar.

A liña 17, que agora circula por Sanjurjo Badía, cambiará a partir do luns día 15 o seu percorrido para pasar polas rúas Enrique Lorenzo, Avda. de Guixar e Julian Estévez. Nas tres rúas estableceranse paradas.