O Concello activa un protocolo para evitar incendios e garantizar a protección do entorno natural
Abel Caballero realizou unha mensaxe de “apoio e pésame” ás “vítimas e afectados polos incendios que están sufrindo os nosos veciños e amigos portugueses”.
O rexedor explicou que “debido ás altas temperaturas que se están a rexistrar actualmente” o Concello está tomando “medidas para garantizar a protección da contorna natural”. A Policía Local aumentará a súa vixilancia para tratar de evitar que se produzan lumes incontrolados na área forestal do municipio de Vigo.
O protocolo de actuación que relatou Caballero conta con diferentes medidas:
- Realizarase unha patrullaxe preventiva: cando menos, unha patrulla en moto, realizará percorridos diarios polas sendas e pistas forestais, con especial atención ás zonas de maior risco de incendios.
- Vixilancia en puntos estratéxicos: as patrullas posicionaranse en puntos elevados seleccionados, que permitan unha ampla visibilidade da masa forestal, co obxectivo de detectar sinais de lume ou actividades que poidan comprometer a seguridade.
- Detección de actividades sospeitosas: durante o percorrido, as patrullas deberán estar atentas a calquera comportamento ou actividade inusual que poida representar un risco potencial de incendio.
- Colaboración cidadá: a colaboración cidadá é esencial no marco da vixilancia preventiva.
- Informe diario: ao finalizar cada xornada, a patrulla asignada deberá presentar un informe detallado das actividades realizadas, incidencias rexistradas e calquera observación relevante.
Ante a proliferación de incendios forestais no norte de Portugal, o alcalde quixo trasladar unha mensaxe de “apoio e pésame” ás “vítimas e afectados polos incendios que están sufrindo os nosos veciños e amigos portugueses”.