As fontes de Aragón celebran de azul o Bicentenario da Policía Nacional
“É a nosa homenaxe á celebración de 200 anos de existencia da Policía Nacional, unha institución imprescindible na cidade”, apuntou o rexedor. Desde este venres, 12 de xaneiro, e ata o domingo día 14, as fontes de Aragón tinguiranse de azul para conmemorar este aniversario. Amais, a pantalla situada no farol de Urzáiz, empregada con motivo do Nadal, estará proxectando o emblema da Policía Nacional ata que se apague porque “queremos que estea alí, no corazón da cidade. É o noso recoñecemento polos douscentos anos e o seu extraordinario traballo en Vigo”.
