Vigo programa para este martes actuacións en Coia, Samil, Porta do Sol e San Miguel de Oia
As celebracións da cidade proseguen este martes con catro propostas culturais, tal e como apuntou Abel Caballero en rolda de prensa. A danza urbana de ViKul abre a xornada ás 19:45 horas en Samil e, as 20:30h, folclore en Coia, bandas de música na Porta do Sol e teatro infantil en San Miguel de Oia.
O certame de danza urbana ViKul comeza a programación de tarde en Samil, ás 19:45 horas e con acceso de balde. O XXVI Festival Folclórico Internacional chega ao torreiro de Coia ás 20:30 horas coas actuacións de Unidance, Tango Galicia, Pasos, Éssens, Media Punta, Susana Castro e Ngundi. Á mesma hora actúa na Porta do Sol a banda de música Atlántida de Matamá, dentro do ciclo “Vigo, un mar de bandas”. O programa para a xornada complétase coa representación en San Miguel de Oia da obra de teatro musical infantil “O pequeno coello branco”, dirixido a público de entre dous e oito anos.