O Concello ingresa 2,6 millóns de euros do IBI da Universidade dos anos 2010 a 2013
Co pagamento desta débeda o goberno municipal pode dispoñer recursos, contemplados no seu orzamento, para subvencións e bolsas para o alumnado universitario.
Abel Caballero informou este martes do pago de 2,6 millóns de euros por parte da Universidade de Vigo ao Concello en concepto dos IBIS que debía correspondentes aos anos 2010, 2011, 2012 e 2013 e que foron recoñecidos pola vía contencioso administrativa.
Segundo engadiu o rexedor, o resto dos IBIS pendentes fracciónanse e a Universidade irá aboándoos durante un período máximo de 10 anos. A partir de agora, a entidade académica poderá beneficiarse das axudas municipais para o seu alumnado, bolsas de comedor ou de estudos para as que o Concello ten presupostados máis de 300.000 euros.
Segundo engadiu o rexedor, o resto dos IBIS pendentes fracciónanse e a Universidade irá aboándoos durante un período máximo de 10 anos. A partir de agora, a entidade académica poderá beneficiarse das axudas municipais para o seu alumnado, bolsas de comedor ou de estudos para as que o Concello ten presupostados máis de 300.000 euros.