A ausencia de proxecto construtivo obriga á Xunta a pedir unha prórroga da licenza de obras do Centro de Saúde de Bouzas
O Concello vén de recibir unha solicitude por parte da Xunta para prorrogar a licenza de obras do centro de atención primaria de Bouzas porque aínda non entregou o proxecto executivo. Deste xeito, confírmase, como xa denunciara o rexedor, que o Goberno autonómico non ten intención de iniciar esta construción en xuño, tal e como anunciou en período electoral.
Abel Caballero deu conta esta mañá da solicitude do Sergas de prórroga do prazo de inicio da construción do Centro de Saúde de Navia. O pasado mes de xaneiro, a Xerencia de Urbanismo concedeu licenza para estas obras, unha autorización condicionada á entrega do proxecto básico e de execución. Dado que non existe tal proxecto, o Sergas viuse obrigado a solicitar unha prórroga desta licenza o que demostra que a Xunta non tiña intención algunha de iniciar as obras en xuño, tal e como anunciou xusto antes das eleccións, "era unha mentira". O rexedor lembrou que o Concello cedeu o solo para esta construción en 2008 e "en once anos o único que fixeron é pedir a prórroga dunha licenza".
Albergue
O alcalde tamén se referiu á visita que fixo onte a Vigo o conselleiro de Turismo, Román Rodríguez, para presentar un albergue de peregrinos no Berbés, "un proxecto que xa estaba presentado". De feito, o 10 de abril, a Xunta entregou no Concello un proxecto básico para pedir a licenza de obra. O 23 de xuño reuniuse a Comisión de Seguimento do PEPRI Casco Vello que emitiu informe favorable, co que se iniciou a tramitación administrativa da licenza. Onte mesmo, a Xerencia de Urbanismo requiriu á Xunta documentación que, sorprendentemente, non aportara: aval para as obras de urbanización e folla de dirección técnica das obras. Tal e como indicou o rexedor, unha vez entregada, concederáselles licenza sobre proxecto básico, pero aínda non se recibiu o proxecto de execución, sen o que non poden, ni tan sequera, iniciar as obras. Unha vez máis, apostilou, "a Xunta veu a Vigo a facerse unha foto".
Albergue
O alcalde tamén se referiu á visita que fixo onte a Vigo o conselleiro de Turismo, Román Rodríguez, para presentar un albergue de peregrinos no Berbés, "un proxecto que xa estaba presentado". De feito, o 10 de abril, a Xunta entregou no Concello un proxecto básico para pedir a licenza de obra. O 23 de xuño reuniuse a Comisión de Seguimento do PEPRI Casco Vello que emitiu informe favorable, co que se iniciou a tramitación administrativa da licenza. Onte mesmo, a Xerencia de Urbanismo requiriu á Xunta documentación que, sorprendentemente, non aportara: aval para as obras de urbanización e folla de dirección técnica das obras. Tal e como indicou o rexedor, unha vez entregada, concederáselles licenza sobre proxecto básico, pero aínda non se recibiu o proxecto de execución, sen o que non poden, ni tan sequera, iniciar as obras. Unha vez máis, apostilou, "a Xunta veu a Vigo a facerse unha foto".