Abel Caballero deu conta esta mañá da aprobación do proxecto que permitirá estender as ramplas mecánicas da Gran Vía ata case a Praza de España. Cun orzamento de 4,3 millóns de euros, está previsto colocar outras dúas cintas mecánicas, unha desde Venezuela ata Bolivia e unha segunda, ata Nicaragua.
O Concello reforzará a seguridade do actual túnel de Beiramar cun orzamento de 1,5 millóns de euros. Este proxecto é financiado integramente polo goberno local, sen achegas nin da Xunta nin da Autoridade Portuaria.
O Pleno do Concello deu este mércores luz verde á nova Ordenanza reguladora do uso e goce dos areais do termo municipal de Vigo co voto favorable do grupo socialista e a abstenciónsdos grupos popular e mixto e do concelleiro non adscrito.
Abel Caballero defendeu esta mañá no Nueva Economía Fórum Tendencias que o transporte, vivenda ou dixitalización son ámbitos nos que os municipios resultan imprescindibles. Ao longo da súa intervención, avogou pola coparticipación nos recursos dada a eficacia da xestión municipal.
O presidente da FEMP identificou aos gobernos locais como "esenciais" para aplicar a Axenda 2030 no campo da recuperación europea e a súa participación no 15% dos fondos da UE. Caballero clausurou esta mañá un obradoiro para recoller as achegas locais á Estratexia de Desenvolvemento Sostible, no que tamén participou a ministra de Dereitos Sociais e Axenda 2030, Ione Belarra, ademais de case un centenar de entidades locais.
Abel Caballero mantivo esta mañá un encontro coa secretaria de Estado de Enerxía, Sara Aagesen, no lle trasladou a “vocación de interlocución directa” das entidades locais co Goberno. Na súa opinión, os concellos van conseguir unha participación máis homoxénea na xestión de fondos europeos.
A maioría do Pleno aprobou esta mañá unha moción socialista que solicita á Xunta que exerza as súas competencias para eliminar o risco de desbordamento do Lagares ao seu paso polo polígono do Caramuxo. O texto saíu adiante co voto favorable de PSOE, Marea e do concelleiro non adscrito.
Abel Caballero participou este mércores na apertura do encontro empresarial “Estratexias para o futuro de Galicia: transición ecolóxica”, organizado polo Círculo de Empresarios de Galicia e Iberdrola, no que interveñen autoridades españolas e galegas, pemes e empresas que traballan neste eido.
A maioría da Corporación Municipal deu luz verde esta mañá a unha moción socialista que solicita ao Porto a paralización de calquera iniciativa que supoña novos recheos na ría de Vigo. A concelleira de Urbanismo, María Xosé Caride, reclamou ademais a elaboración dun plan axeitado para reubicar instalacións e optimizar o uso do espazo portuario.
Abel Caballero presidiu este xoves o acto de inauguración das novas cintas mecánicas da avenida da Gran Vía de Vigo, unha reforma que cualificou como “excepcional”. A obra forma parte do proxecto Vigo Vertical, cofinanciado pola Unión Europea a través dos Fondos FEDER, e tivo un orzamento de 5,1 millóns de euros.