O alcalde explicou que, segundo os datos do Ministerio de Facenda do primeiro trimestre de 2017, Vigo sitúase á cabeza das cidades españolas de máis de 75.000 habitantes que mellor pagan, cunha media de menos doce días desde a recepción das facturas. <br />
O Concello arranca coa elaboración das contas do ano próximo, segundo informou este martes Abel Caballero, cunha proxección prevista de 243 millóns, polos 221 millóns deste ano. As prioridades serán a política social, educativa e deportiva, os investimentos e manter a estabilidade orzamentaria e a débeda cero, detallou o alcalde.
En novembro de 2016, o Concello pagou 8,94 días antes de que empece a contar o mes de prazo para aboar as facturas, fronte á media de 64,57 días dos municipios españois. Para o alcalde este dato "é importante para as empresas" e súmase á débeda cero e o superávit nas contas municipais.
Para Abel Caballero o presuposto de 2017 é "magnífico e o máis importante da historia" e servirá para continuar coas humanizacións, os parques infantís, o apoio ao deporte e a creación de emprego.
O alcalde informou este martes das reducións de impostos a sectores concretos que recollen os presupostos municipais para o ano 2017 entre as que destacou os máis de 4 millóns de euros do IBI ou o 1.664.000 euros dos impostos sobre vehículos.
Caballero explicou que o Concello goza dunha cota de IBI un 50% máis barata ca o resto das cidades galegas, xa que "non se subiron" os valores catastrais das vivendas dende o ano 1993. Respecto á Coruña, Vigo paga un 17% menos de IBI cun recibo medio anual de 298,40 euros, fronte aos 349,77 dun coruñés.
As contas municipais para 2017 incorporan unha suba dun 12,3% na partida global de política social. O rexedor defendeu esta mañá este incremento nun orzamento que tamén recolle importantes investimentos para humanizacións, educación e deporte.
O alcalde presentou esta mañá "os orzamentos máis importantes da historia de Vigo", os do ano 2017 que alcanzan un montante de 233 millóns, sete máis que o pasado exercicio. Tal e como explicou en rolda de prensa, é un orzamento para crecer, propio dunha facenda saneada, sólida e con débeda 0.
O orzamento do Concello estará aprobado a mediados de decembro para garantir que estea operativo o 1 de xaneiro de 2017. Con este obxectivo, o rexedor deu orde do inicio oficial da redacción dun documento que será moi inversor, volcado na política social e na xeración de emprego. Ademais, engadiu, terá como meta seguir coa gran "revolución das humanizacións na cidade".
O goberno local vén de aprobar as ordenanzas fiscais para o 2017, deixando conxeladas a gran maioría das taxas, impostos e prezos públicos, e mantendo as bonificacións e exencións existentes. Con 492 euros, Vigo segue a ser a cidade galega con menos presión fiscal por habitante.