Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 09 de agosto de 2019

Imprimir | Enviar | | Compartir:  


O Concello dedica 123.000 euros á Orquestra Sinfónica Vigo 430

A Xunta de Goberno Local aprobou a subvención á asociación cultural correspondente á temporada 2018-2019 e unha axuda de 20.000 euros á Fundación Mulleres por África para a educación de adolescentes embarazadas e nais. Amais, deu luz verde ao programa de outono do "Camiño a Camiño".

Abel Caballero deu conta este venres dos acordos adoptados na Xunta de Goberno Local que aprobou a subvención nominativa á asociación cultural Orquestra Vigo 430 para o desenvolvemento da temporada musical 2018-2019 por un importe de 123.000 euros. Unha dedicación que o rexedor puxo en valor, adiantando que se incrementará o vindeiro ano, denunciando a falta de axuda que recibe a entidade por parte da Xunta de Galicia "cero euros, fronte aos 2,6 millóns de euros que dá á Sinfónica de Galicia, radicada na Coruña, e 1,5 millóns á Filharmónica de Galicia radicada en Santiago ".

A Xunta de Goberno Local aprobou tamén a concesión dunha subvención nominativa de 20.000 euros á Fundación Mulleres por África para o desenvolvemento do proxecto "Ela estuda por dois (Cabo Verde)" co obxectivo de garantir o dereito á educación de adolescentes embarazadas e nais a través dun protocolo piloto de actuación que pretende implicar ás adolescentes, ás súas familias e aos equipos responsables das escolas participantes.

Segundo detallou o rexedor, a Xunta de Goberno deu luz verde á proposta de aprobación do proxecto de actividades de sensibilización medioambiental "Percorridos medioambientais de outono ao lado da botánica" dentro do programa "Camiño a Camiño 2019" que ten un orzamento de 24.600 euros.

O programa inclúe 8 rutas medioambientais por Vigo e pola comarca para un total de 1.600 participantes que realizarán rutas por Vigo (Castrelos, A Guía, río Eifonso, río Barxa), Monte Galiñeiro, Monte Aloia, Castelo de Sobroso e o Pazo de Lourizán en Pontevedra.
Mais noticias
O rexedor valora a "multitudinaria" afluencia de público a todos os concertos de Castrelos
O alcalde compromete o "apoio" do Concello á feira Mindtech
A Orquestra Clásica de Vigo traslada ao domingo o seu concerto da Noite Branca
O goberno municipal amplía o prazo do concurso musical "Vigo en Vivo"
O alcalde clausura o campamento urbano municipal das Travesas
Abel Caballero louvou os recentes éxitos de catro deportistas vigueses
Abel Caballero entrevistouse co alcalde de Don Benito


Volver á portada

© Gabinete de Prensa - Concello de Vigo 2003