Concello de Vigo Vigo org
Xornalxornal.vigo.org
  


Noticias da semana

Suscribirse


 
mércores, 30 de xaneiro de 2019

Imprimir | Enviar | | Compartir:  


O Concello avoga por un edificio singular para a Biblioteca do Estado e pide o apoio da Xunta

Cos únicos votos favorables dos edís do goberno vigués, o Pleno aprobou este mércores unha moción que insta á Xunta de Galicia a que "apoie o compromiso do Ministerio de Cultura co alcalde de construír un edificio emblemático e singular" e polo tanto a retirar a súa proposta de emprazar a Biblioteca nos actuais edificios dos xulgados cando estes queden baleiros.

O goberno de Vigo defende erixir a Biblioteca do Estado nos terreos próximos aos actuais edificios dos xulgados da rúa Lalín -que tamén serían utilizados no futuro para usos culturais e educativos-, construíndo un edificio "emblemático e singular" deseñado para o seu uso como biblioteca. O ministro de Cultura adquiriu este compromiso nunha reunión co alcalde de Vigo, despois da cal o presidente da Xunta visitou Madrid para ofrecer ao titular do Ministerio empregar os actuais edificios, cando estes queden baleiros.

O Pleno acordou hoxe mércores, cos únicos votos do grupo de goberno -pois Marea abstívose e o PP non participou nin no debate nin na votación- instar á Xunta de Galicia a "que retire a súa proposta" e "que apoie o compromiso do Ministerio de Cultura co alcalde de Vigo de construír un edificio emblemático e singular para albergar esa nova dotación cultural".
Mais noticias
Caballero alcanza acordos con Costas para a cesión e recuperación do bordo litoral de Vigo
Vigo continuou no 2018 á cabeza das cidades españolas no pronto pago a provedores
O Pleno reclama ao goberno autonómico un plan de choque e un campus de FP
O alcalde, honrado polo recoñecemento "Suso Jares" ao labor de dúas escolas infantís municipais
O Pleno insta á Xunta a acordar a cesión e humanización da Avenida de Castrelos


Volver á portada

© Gabinete de Prensa - Concello de Vigo 2003