Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 08 de outubro de 2018

Imprimir | Enviar | | Compartir:  


O goberno de Vigo concede máis de 5.600 axudas ao pago de vivenda, enerxía e alimentación

O alcalde anunciou este luns a resolución da convocatoria de axudas extraordinarias a familias con menos recursos, por importe superior aos 1,6 millóns. O goberno vigués prevé aprobalo esta mesma semana e iniciar o abono dos pagos aos case 2.000 beneficiarios.




O Concello resolveu a convocatoria con preto de 2.000 persoas beneficiarias dun total de 5.611 axudas económicas para pagos de alimentación, subministros enerxéticos e vivenda, por importe superior aos 1,6 millóns de euros. Esta cantidade forma parte dos 2,5 millóns que o goberno de Vigo reserva este ano para a loita contra os desafiuzamentos, recordou Caballero.

O goberno de Vigo concede un total de 1.937 axudas para gastos de alimentación por valor de 459.000 euros, que se trasladan aos beneficiarios a través da "tarxeta da dignidade", en verbas do alcalde, unha tarxeta tipo bancaria cargada co importe que corresponda. Ademais, o Concello da outras 1.937 axudas para facerse cargo dos gastos de electricidade e gas, por importe total de 303.000 euros.

O último dos conceptos da convocatoria é a vivenda. Neste capítulo, informou Caballero, o Concello adica 858.000 euros para un total de 1.737 axudas, das que 1.631 son para mensualidades de aluguer e outras 106, para cotas hipotecarias.

Na comparativa co ano pasado, os apoios concedidos ás familias que o precisan en materia de alimentación e enerxía permanecen estables, segundo revelou Abel Caballero, mais existe un incremento "significativo" este 2018 nos apoios dados polo Concello para pagos de vivenda: 1.454 o pasado ano polas 1.737 do presente.

"Aínda seguimos pagando un número elevadísimo de alugueres e hipotecas a familias que non poden facerlle fronte", asegurou o alcalde, quen subliñou que este programa, coñecido popularmente como "cheque social", existe únicamente no Concello de Vigo.
Mais noticias
O Concello de Vigo, á cabeza das grandes cidades de España no pago a provedores
O goberno local conxelará de novo o vindeiro curso as taxas das escolas infantís municipais
O Concello de Vigo amplía o plan de mellora en campos de fútbol a un total de 14 instalacións
O alcalde anima a todo Vigo a participar o 21 de outubro na VI Carreira Vigo contra o cancro
Caballero someteuse ás preguntas dos alumnos de Primaria do colexio Atalaia Cantabria


Volver á portada

© Gabinete de Prensa - Concello de Vigo 2003