Concello de Vigo Vigo org
Xornalxornal.vigo.org
  


Noticias da semana

Suscribirse


 
xoves, 20 de setembro de 2018

Imprimir | Enviar | | Compartir:  


O alcalde reclama que a Escola de Arte Dramático sexa estudio universitario e rexeita recortes no profesorado

Abel Caballero saudou este xoves ao alumnado da ESAD, con sede en Navia, que están a reclamar que a Xunta de Galicia equipare os seus estudos aos universitarios. O rexedor recordou que teñen o seu apoio desde hai cinco anos.




O alcalde visitou hoxe xoves o IES Ricardo Mella polo acto de inicio do curso escolar en Secundaria e Bacharelato, instituto ante o cal se concentraron os alumnos e alumnas da Escola Superior de Arte Dramática, con sede en Vigo, para reclamar da Xunta de Galicia que os seus estudos sexan equiparados aos universitarios.

Segundo expuxo Caballero, os estudantes reclaman ser ensino universitario e que non se recorte o profesorado da ESAD, reivindicacións que comparte. O alcalde recordou que estas demandas foron abordadas co director da Escola hai varios anos: "teñen o meu apoio", asegurou.

O alcalde vigués engadiu que tamén reclama que a Escola Superior de Danza estea en Vigo e se emprace en Navia, xunto á de Arte Dramática, de tal forma que poidan compartir auditorio. Abel Caballero saudou aos manifestantes e recordou que "defenden o seu dereito a ter unha boa formación".
Mais noticias
O Concello tramita o cambio de uso na antiga sede xudicial para acoller a Biblioteca do Estado
O Concello recorre a negativa da Xunta a aplicar a "lei Vigo" ao novo pavillón de Matamá
O goberno local achega máis de 30.000 euros a catro entidades sociais e veciñais
O alcalde ratifica co comisario xefe da Policía Nacional que Vigo é unha cidade segura
Mostrarte leva á Alcaldía o traballo de trece artistas que participan en Vigo cidade de cor


Volver á portada

© Gabinete de Prensa - Concello de Vigo 2003