Concello de Vigo Vigo org
Xornalxornal.vigo.org
  


Noticias da semana

Suscribirse


 
luns, 06 de agosto de 2018

Imprimir | Enviar | | Compartir:  


O alcalde tratará coa ministra Teresa Ribera o problema de abastecemento de auga a Vigo

Abel Caballero sinalou que o vindeiro 28 de agosto terá unha xuntanza coa ministra de Transición Ecolóxica, Teresa Ribera, para abordar o problema de abastecemento de auga en Vigo. O alcalde sinalou que solicitará de novo o transvase entre os ríos Verdugo e Oitavén.

O alcalde de Vigo manterá o vindeiro 28 de agosto unha reunión coa ministra de Transición Ecolóxica, Teresa Ribera, para solicitarlle que se leve a cabo o transvase de emerxencia entre o río Verdugo e o Oitavén,

"Vou a expor a situación do abastecemento da auga a Vigo, seguramente o problema máis importante que ten esta cidade. É unha obriga e competencia da Xunta, que o señor Feijóo desatendeu", sinalou Abel Caballero durante a súa comparecencia ante os medios de comunicación.

O rexedor explicou que acudirá á ministra de Transición Ecolóxica "tal e como xa fixera coa ministra anterior cando estabamos en plena crise e obtiven como resposta unha desatención total".

"Hai un ano solicitei o transvase de emerxencia do río Verdugo ao Oitavén e estes días de tanto calor volvemos a lembrar que o abastecemento da presa de Eiras é insuficiente para Vigo e outros nove concellos", sinalou.

Caballero advertiu de que "nada garante que teñamos outro anos sen choiva e pódese reproducir o problema, nada garante que non volva a pasar".

Ata a semana pasada había unha ocupación do 95% en Eiras e do 88% en Zamáns. "É un bo nivel, pero revisaremos os datos de hoxe e a partir de aí decidiremos", sinalou o alcalde.
Mais noticias
Caballero reclama á supresión do imposto autonómico sobre o combustible
O Concello organiza unha nova edición da "Noite Branca" con 39 visitas guiadas e 11 concertos
O goberno de Vigo solicita ao Consorcio do Casco Vello dúas parcelas para a rehabilitación da Panificadora
Caballero aposta por "un emprego de calidade" para os mozos con discapacidade na presentación da iniciativa "Non te rendas nunca" da Fundación ONCE


Volver á portada

© Gabinete de Prensa - Concello de Vigo 2003