Concello de Vigo Vigo org
Xornalxornal.vigo.org
  


Noticias da semana

Suscribirse


 
mércores, 12 de xullo de 2017

Imprimir | Enviar | | Compartir:  


O Concello impulsa con 115.000 euros o labor de oito entidades viguesas

O alcalde asinou este mércores convenios coa Federación de Peñas el Olivo, Agarimo, a asociación Fonte do Galo, a Asociación de Mariñeiros artesanais e deportivos de Bouzas, FEAFES, Anhida, a AAVV Monte da Mina e Centro Príncipe.




Os convenios enmárcanse na política de cooperación con diferentes entidades para "impulsar a vertebración civil da cidade" cooperando co labor que desenvolven xa que son "asociacións que traballan pola cidade, para a cidade e na cidade e precisan apoio económico". Este é, engadiu Abel Caballero, un dos temas "obxectivo do goberno".

Entre os acordos asinados hoxe, destaca o da Asociación de Comerciantes Centro Príncipe de Vigo que ascende a 50.000 euros dentro do Plan de Emprego, co que a entidade poderá financiar a contratación de cinco profesionais.

No caso da Federación de Peñas El Olivo, o acordo ascende a 15.000 euros, a Asociación de Veciños Fonte do Galo recibirá 4.500 euros, 13.000 euros Agarimo e 9.000 a Asociación de Veciños Monte da Mina.

Ademais, o convenio coa Asociación de Mariñeiros Artesanais e Deportivos de Bouzas contempla 16.000 euros para a difusión da cultura mariñera e das cinco embarcacións tradicionais de titularidade municipal. A Federación de Asociacións de Familias e Persoas con Enfermidade Mental de Galicia (FEAFES) recibirán 4.000 euros en virtude do texto asinado hoxe, idéntica cantidade á que recibirá a Asociación de Nenos con Hiperactividade e/ou Déficit de Atención (ANHIDA).

En total, a dedicación municipal a estes convenios de colaboración é de 115.000 euros.
Mais noticias
Vigo honra a memoria de Miguel Ángel Blanco no vixésimo aniversario do seu asasinato
O goberno vigués licita por "case un millón de euros" obras de asfaltado nas parroquias
O alcalde apunta o "notable investimento de Zona Franca" en Vigo para o próximo ano
O Concello inviste 10.000 euros na restauración de cinco placas históricas
Vigo acollerá esta fin de semana a 340 bailaríns na quinta edición de VIKUL
O rexedor aposta por unha universidade que logre achegar a innovación ao maior número de cidadáns
Caballero augura un "éxito asegurado" a Leroy Merlín polo "enorme tirón" de Vigo


Volver á portada

© Gabinete de Prensa - Concello de Vigo 2003