Concello de Vigo Vigo org
Xornalxornal.vigo.org
  


Noticias da semana

Suscribirse


 
venres, 17 de marzo de 2017

Imprimir | Enviar | | Compartir:  


O Goberno de Vigo e o sector hoteleiro colaboran na promoción turística da cidade

O rexedor reuniuse este venres con representantes do sector hoteleiro de Vigo para analizar a súa situación actual, abordar a cooperación dos hoteis como puntos de información turística da cidade e a repercusión dos eventos promovidos polo goberno local na súa actividade.




Abel Caballero mantivo un encontro con directores e propietarios de diferentes hoteis da cidade co fin de valorar a situación do sector, que achega datos positivos no relativo ás pernoctas xa que, segundo expuxo, subiron un 15% en 2016 respecto ao ano anterior ao rexistrárense 721.000, fronte ás 606.000 de 2015.

Así, o Concello e os hoteleiros acordaron que os establecementos funcionen como puntos de información turística para presentarlles ás persoas que visitan a cidade toda a oferta que teñen dispoñible durante o tempo da súa estadía. Desta maneira, serían "como oficinas municipais de turismo", en palabras do alcalde.

Caballero transmitiulles aos representantes do sector a súa vontade de "seguir influíndo" na actividade turística coa promoción e apoio a grandes eventos como O Marisquiño, o Vigo street stunts, Conxemar, Navalia ou os Campeonatos nacional de dardos e Galego de billar. Ademais adiantoulles que a celebración en 2018 do Campionato de España de Balonmán infantil, cadete e xuvenil en Vigo e Pontevedra supoñerá a ocupación "practicamente total" dos hoteis durante unha semana.
Mais noticias
Caballero compromete para o próximo ano cen prazas máis no programa "Vigo en Inglés"
O Concello adxudica provisionalmente a xestión da escola infantil de Santa Marta por 747.000 euros
O LIII Concurso Internacional da Camelia reúne en Vigo a 34 expositores
O alcalde elixe á decana de Ciencias do Mar para a lectura do Bando da Reconquista
O rexedor destaca o traballo conxunto para conseguir que Vigo acolla o Campionato europeo clase J70 en 2018
Medidas de tráfico por obras
DO M I C I L I A C I Ó N S
IMPOSTO SOBRE VEHÍCULOS DE TRACCIÓN MECÁNICA


Volver á portada

© Gabinete de Prensa - Concello de Vigo 2003