Concello de Vigo Vigo org
Xornalxornal.vigo.org
  


Noticias da semana

Suscribirse


 
mércores, 12 de xuño de 2019

Imprimir | Enviar | | Compartir:  


A construción dunha desalinizadora súmase como posible solución ao abastecemento en Vigo

Abel Caballero avanzou esta mañá que o Goberno Central incorpora a construción dunha desaladora como outra posible solución ao abastecemento da área de Vigo. Esta alternativa súmase a outras tres que xa están enriba da mesa: unha nova presa, o recrecido da actual ou un transvase desde o Miño.

O estudo que aclarará cal é a mellor alternativa para solucionar definitivamente o abastecemento na área de Vigo incorpora a posible construción dunha desalinizadora. Esta opción, que permitiría usar a auga de mar, foi trasladada ao alcalde en funcións polo actual secretario de Estado de Medio Ambiente, Hugo Morán, de forma que vén sumarse as outras tres alternativas en estudo: unha nova presa, o recrecido da actual ou un transvase desde o Miño, ademais do transvase de emerxencia, comprometido pola Xunta hai case dous anos e do que non se iniciou trámite algún. O rexedor en funcións criticou a inacción do Goberno autonómico, en contraposición ao Ministerio de Transición Ecolóxica que está á realizar o estudo que aportará a solución definitiva ao abastecemento de auga na área de Vigo.

Caballero explicou que Vigo conta cun plan de seca que se aplica cando a auga embalsada chega a determinados estándares, momento a partir do que se activan os correspondentes protocolos. De feito, engadiu, o Concello anticípase a estas situacións e o Goberno local decreta medidas como a suspensión de baldeos antes incluso do que determina o devandito plan, que xa se aplicou en varias ocasións. Lembrou que Vigo xa ten un plan de aforro máximo de auga e que solicitou varias veces á Xunta o cambio do caudal ecolóxico.
Mais noticias
O Concello concede licencia para un proxecto de Alfonso Penela para rehabilitar dous edificios en Alfonso XIII
O 78% dos votos na consulta do Concello, a favor de declarar algunhas praias libres de fumes
O Concello, finalista dos premios Novagob Excelencia 2019
O rexedor felicita ao Colexio Divino Salvador polos seus 50 anos de traxectoria


Volver á portada

© Gabinete de Prensa - Concello de Vigo 2003