Escoitar

O alcalde anuncia que a construción da estación do AVE comezará o 5 de novembro

As obras de construción da estación do AVE de Thom Mayne comezarán o próximo 5 de novembro e se prolongarán durante dez meses. Segundo explicou o rexedor será a partir dese momento cando empecen os traballos de adecuación dos accesos nos que se investirán uns 10,7 millóns de euros.

venres, 19 out 2018
A construción da estación do AVE deseñada por Thom Mayne comezará o 5 de novembro, cos traballos de instalación do armazón do complexo Vialia, segundo confirmou o alcalde. Estes traballos prolongaranse 10 meses e, unha rematados, arrancará unha segunda fase, coa adecuación dos accesos, que se executarán de xeito paralelo ao avance da obra da estación. Para a realización dos accesos, investiranse uns 10,7 millóns, dos que Adif achega 6,6 e o Concello, 2,3. A Xunta financiará os accesos á estación de autobuses con 1,7 millóns. A este respecto, Caballero explicou que o Concello aínda non coñece o deseño desta estación, esixindo, en todo caso, que teña un deseño acorde con Thom Mayne "e non un pastiche diante da obra".

O Concello será o encargado de reordenar o tráfico e da construción dun túnel que dará acceso á autoestrada e ao complexo intermodal e que suporá a eliminación do actual paso elevado polo que se entra na AP9 desde a rúa Lepanto. Ademais e durante as obras, se permitirá aos camións circular en dobre dirección no acceso á autoestrada por Lepanto para evitar tráfico pesado no centro da cidade. Ao mesmo tempo, se habilitará a rúa Vía Norte para permitir o paso de grandes vigas que se empregarán na construción do armazón da estación do AVE.