Caballero asina convenios con nove entidades sociais por valor de case 140.000 euros

Abel Caballero mantivo esta mañá un encontro con representantes de nove entidades sociais da cidade para asinar convenios de colaboración por valor de preto de 140.000 euros co obxectivo de facilitar o súa acción social en Vigo. A Asociación de Amas e Agarimo recibirá 13.000 euros, a Federación de Peñas recreativas El Olivo, 15.000 euros; a Asociación de mariñeiros artesanais e deportivos San Miguel de Bouzas, 16.000 euros; a Asociación de Jóvenes Empresarios (AJE), 3.600 euros; a Asociación de Axuda ao enfermo mental DOA, 7,290 euros; o Banco de Alimentos, 15.000 euros e, finalmente, Alborada, Amaina e máis Érguete, 69.725 euros para programas de prevención de drogodependencias.