Escoitar

Teatro Chévere, Premio Nacional de Teatro 2014, actua o venres no Auditorio Municipal

A compañía galega de teatro Chévere gañadora do Premio Nacional de Teatro 2014 está incluida na programación de Vigocultura que se desenvolve no Auditorio Municipal, e actúa este venres día 28 de novembro coa obra "ultrapremiada" nos últimos María Casares "Eurozone"

xoves, 27 nov 2014
1417087377chevere.jpg
"Eurozone" é un panfleto teatral sobre a crise da Eurozona. Un auténtico pastiche no que se mesturan as referencias directas a Reservoir Dogs, á linguaxe da publicidade, aos casinos online, aos bailes de salón e ao argot económico que asolaga as nosas vidas. "Eurozone" é unha farsa teatral sobre a crise da zona euro, sobre a fin da idea de Europa tal e como a entendemos ata agora, sobre un sistema democrático deslexitimado que só conta coa cidadanía para ir votar cada certo tempo, sobre unha clase dirixente que só exerce o poder no seu propio beneficio, sobre o secuestro da democracia por parte do sector financieiro.



COMPAÑÍA: Grupo Chévere.

XÉNERO: Teatro contemporáneo.

PÚBLICO: Adulto.

DURACIÓN: 90 minutos.

IDIOMA: Galego.

AUTOR, ADAPTACIÓN E VESTIARIO: Chévere.

DIRECCIÓN: Xesús Ron.

ESCENOGRAFÍA: Chévere e Javier Ballestín.

DESEÑO DE SON E MÚSICA: Xacobe Martínez Antelo.

DESEÑO ILUMINACIÓN: Fidel Vázquez.

COREOGRAFÍA: Iván Marcos.

ELENCO ARTÍSTICO: Miguel de Lira, Patricia de Lorenzo, Manuel Cortés, Mónica García, Arantza Villar, Iván Marcos, Borja Fernández e Pepe Penabade.

Horarios: 21:00 h
Acceso: 8 €
Descargar todas as imaxes