Escoitar

O goberno local avanza no Pau de Navia coa aprobación dos proxectos de urbanización

O alcance avanzou o visto bo definitivo do Consello da Xerencia de Urbanismo aos proxectos de urbanización dos polígonos 1, 2A e 2B do Plan Parcial de San Paio de Navia. Será na sesión do vindeiro martes, 17 de xaneiro.

venres, 13 xan 2023
Abel Caballero en foto de arquivo durante unha rolda de prensa en Alcaldía
Abel Caballero en foto de arquivo durante unha rolda de prensa en Alcaldía

Tal e como explicou o rexedor, o polígono 1 ten 99.000 metros e o polígono 2 suma 106.000 m2; o A: 44.000 e o B: 61.000 metros cadrados. Coa aprobación definitiva por parte do Concello aos proxectos de urbanización, poderá construírse vivenda sometida a algún tipo de protección nos Polígonos 1 e 2B, mentres que o Polígono 2A está destinado ao instituto de educación secundaria Navia.

Sobre o centro educativo, Caballero reiterou que “imos obrigar á Xunta de Galicia a construír o instituto de Navia; non o queren facer, non queren asinar o convenio e queren enganarnos pero imos obrigalos a facelo desde a cidade de Vigo”. Apuntou que o goberno municipal dará o solo “de forma inmediata” ao goberno autonómico “tan pronto asinen o convenio”, proposto, no que se recolle a obriga de realizar o instituto cuns prazos marcados. O alcalde citou o compromiso non cumprido pola Xunta en Vigo no caso do centro de saúde de Bouzas, que tardou “dez anos en construírse e fixeron a metade do que estaba previsto. O instituto é fundamental – insistiu - o alumnado non pode ir a 9 quilómetros de distancia en autobús”.

Descargar todas as imaxes